__

__

比亞迪懷疑因政治壓力而批准出牌

近日網上流傳著一張這樣的圖
來源:Facebook 「高登。時事台」的專頁


呢件事目前仍未知是否屬實,有待傳媒及各界查證。但網上討論就來得熾烈,有唔少人已經提出「中共迫令香港買大陸車」,這個說法暫不評論。但响呢個局面之下,當然有五毛為共產黨「護駕」。最常出現的就是「以前英國佬都係強迫香港人買英國車嚟掠水啦」。

筆者對此就作出回應評論:

1. 呢個係直至1981年的事實,無得避。但自1921年嚟,英國佬有無俾過啲垃圾香港用?
答案係無!
就算最雞蛋裡挑骨頭嘅「珍寶」,英國本土都問題多多;或者Seddon Pennie 4 只能說是「水土不服」。或是反過來說,1981年進軍香港的平治巴士,都要由英國設計車身 (原裝或德國根本無計可施),呢個就證明英國巴士嘅技術先至到家

2. 二次大戰後,香港要用乜嘢車,英國都無「托手踭」
1947年開始考慮要用雙層巴士,1949年就俾你!
1960年代,英國標準長度30呎不足應付香港嘅需要,特登造啲34呎長嘅「大水牛」、「長牛」俾香港用;
1970年代,珍寶嘅設計應付唔到郊區同新市鎮發展 (因為路面條件唔適合),Jubilant 同勝利二型呢啲英國本土唔啱用嘅車,直頭「專項設計」俾香港用;
1980年代中再次重覆1960年代嘅歷史 ── 為香港「特供」可以載客連企位多達170人嘅12m長嘅巴士;
1990年代,香港社會高舉要照顧殘疾人嘅交通需要,就把心一橫特意為香港設計 Dennis Trident 出嚟;
再唔係,英國夏天都係得廿零度,巴士車窗都係開得條罅仔。但香港嘅亞熱帶氣候,唔止要開大隻窗,仲需要冷氣巴士。1970年代就開始同香港諗呢個問題。先有啟德機場嘅200同201豪華巴;繼有勝利二型同Jubilant。嘥油得滯就整架 MCW 出嚟。冷氣系統唔得就再換過其他,直到Olympian 同 Dragon嘅成功。

3. 依家擺响海洋公園嘅「大水牛」係1964年出廠的,今時今日成架車唔單只「睇得」── 外觀完整兼結構良好,仲「打得」── 架車係由九龍灣車廠揸過去香港仔的。

Photo by Dennis Law




仲有香港一班有心保留咗大批舊巴士,唔計最舊嗰部1949年嘅「丹拿A型」,大部份係1970-80年代開始服役嘅車種。同樣行得走得。大陸造嘅車? 2004年3月出牌嘅 FA8198(右圖) 去咗見上帝啦!

英國唔止無俾垃圾嚟香港,仲要係佢哋根本用唔著嘅嘢都同香港諗而整比香港用。但掉返轉共產黨依家不特止塞啲垃圾嚟,仲打算連香港嘅法例都要破壞埋,甚至可以上綱上線到打開香港法治的缺口。要講 「殖民主義可恥」,中共比英國可恥上千萬倍!

另外,班五毛指「近年的新巴士車身闊度 2550mm,咪又係唔合法!」
要清楚三點:
1. 2550mm 係大約十年前歐盟訂出嘅新標準,目的唔止係擴闊車廂空間提高舒適度,更加係可以加闊尾軸嘅輪距提高行車穩定性,另加闊低地台巴士近車頭有嘅通道空間,俾輪椅更順利通過。亦因此,歐洲已經唔再出產 2500mm 闊度嘅巴士;
2. 不論响歐洲、英國抑或香港,未有因多出50mm的車身闊度,增加道路安全風險的案例或數據;
3. 比亞迪懷疑未能過關的據報係轉向不足,即是轉彎需要佔用更多的路面空間,這豈不是增加道路安全危機?從技術角度解決根本無難度,但如果廠方唔循呢個方向解決,反而竟然要破壞香港法治兼增加道路安全危機,呢個絕對唔能夠接受。

返回主頁

沒有留言: