__

__

劉夢熊爆大鑊



今期《陽光時務》封面故事簡直「爆」嚟形容都唔止, 由朝早到傍晚陸續有嘢爆出嚟, 由張震遠運拖、范徐麗泰不作評論已經充滿花生味道, 但無端端袁花蟹爆出劉夢熊早前因懷疑「東方明珠石油」涉及貪污被廉署拘捕 (無綫新聞2013-1-24 18:15), 這就為這股花生味道添上一陣燶味。

報導內容直指梁振英的僭建事件講大話, 張震遠的回應根本就軟弱無力。要是認為劉夢熊言論失實的話, 何不就做律師信魔人即晚就控告劉夢熊誹謗?純粹常理:無做過又駛乜怕要對簿公堂。梁營心虛之說是無法抹煞!但689登上特首寶座乃西環統監府幕後發功而導致, 劉夢熊由撐梁到依家形同倒梁(雖然雜誌中佢唔認為係), 意味佢同撐梁的兩派(胡溫的團派同薄熙來的毛左)反枱,亦同時代表住中共派系鬥爭進入白熱化並且戰場已移師至香港。

另一方面, 學位問題同搶奶粉搞到處處火頭。吳克儉對於北區學位問題竟然著本地家長要遷就雙非,甚至連「本地學童優先」都話要考慮下,已經搞到家長們怒火中燒。Facebook「反對內地孕婦來港產子!10 萬人 Like 俾政府睇!」更發帖警告隨時會做出「滋事份子」行為


高永文竟然不採取杜絕水貨客,卻向本港家長搞「配給」。已聽到有人怒火中燒的罵「依家打仗呀?咁可能係呀,俾啲蝗蟲軍入侵香港囉」。

吳克儉、高永文可以話唔放市民响眼內,但正常嚟講係唔應該會咁做嘢。佢哋所做的是會進一步激發民情甚至隨時達至失控的地步,可會是要來成全中共某些派能引用基本法第十八條
全國人民代表大會常務委員會決定宣佈戰爭狀態或因香港特別行政區內發生香港特別行政區政府不能控制的危及國家統一或安全的動亂而決定香港特別行政區進入緊急狀態,中央人民政府可發佈命令將有關全國性法律在香港特別行政區實施。
啟動實施全國性法律,達至控制香港的企圖,從而在權鬥中取得勝利。從郝鐵川去年十二月的「中央十權論」開始,加上吳、高的態度,我認為絕對唔能夠排除。

因此大家唔好只顧食花生,要小心共產黨隨時佈緊局吞咗香港!

延伸閱讀
《蘋果日報》2012-12-20 中央十權論

返回主頁

沒有留言: