__

__

解決奶粉荒勿「偷雞」

經過多日由網上打到報紙, 特區政府終於「考慮」經由黃世澤提出的建議, 將奶粉納入《儲備商品條例》規管。件事本身已經無嘢值得慶幸, 奶粉荒本身已經係一件唔應該出現「痴膠線」或者「痴輪線」的事件, 師奶走上街頭、示威者誤中副車, 政府先至話「考慮緊點做」;甚至以《儲備商品條例》去作規管, 都唔係政府第一身提出, 簡直荒謬。小弟於一星期前已經在Facebook事先張揚, 或者人微言輕。但既然有立此存照, 就麻煩高永文找數!


綜合今日蘋果日報報導, 特區政府就想為奶粉繼續可以供應俾大陸而偷雞。標題「保港奶 餵港B
港府並積極研究將奶粉納入《儲備商品條例》,限制奶粉出境數量,以打擊水貨客;港府較傾向每人每次只可帶兩至三罐奶粉出境,估計足夠嬰兒食用兩至三周,若每次帶六罐出境,容易變成走水貨。
唔好又玩語言偽術啦!每人每次...... 但每日可以無限次!即係只係加重咗成個奶粉走私集團的經成本而已, 有屁用呀!《經濟日報》1月29日黃世澤專欄中指出還需要在「《儲備商品(進出口及儲備存貨管制)規例》第四條中,加入與嬰兒奶粉相關的特殊豁免條款,定明任何旅客只能在24小時內,將相當於一大罐(900克至1公斤)的嬰兒奶粉帶離香港境外」。

若嫌只是文字評論說服力不足的話, 黃世澤昨天在NOW 時事全方位中指出同樣的建議內容
節目重溫(三) - 親子王國創辦人:市民無法自己團購奶粉;新聞報導內容亦有作出引述2013-1-30 17:36 議員倡修例前先推奶粉訂購 。

奶粉始終是商品, 涉及到以錢進行買賣的話, 政府打算作出管制就必定有人打算「搵最後一筆錢」, 消委會總幹事黃鳳嫻亦指出呢個風險問題 (標題「列儲備商品勢推高價格」), 所以特區政府應該立即採取行動, 即時立法實施一刀切。或許有說法「申報貯存數量」也要時間安排, 改程式也不是三兩天的事....
根據Cap. 296A Sect. 5(1):除第6條另有規定外,獲發任何儲備商品的進口許可證的人,於該儲備商品進口後7天內,須向運載該儲備商品進口的船隻、飛機或車輛的擁有人提交該許可證。
七日內, 有幾多貨運入香港先? 又或相反角度, 如果海關班友繼續官僚作風「你死你事唔關我事」, 我相信目前民情下, 而且北角渣華道222號距離港運城不到五分鐘步程..... 況且奶粉荒不是一朝一夕的事, 一次過出現大量申請全是必然, 特區政府進行「補鑊」而要特事特辦就是理所當然。而存貨報表申報也只是根據Sect. 19 作出準備, 而要提交報表也是海關關長提出時才需要而非立即。即係話對入口商及零售商的影響並非想像中或「吹噓」的大。

就假設政府抄足功課, 即時立法將奶粉納入《儲備商品條例》規管和限制24小時內只能携帶一罐離境, 但如果香港海關在邊境不作出有效執法, 即是所有立法也只是形同虛設。所以有請張雲正JP 自己諗清楚這次工作如何進行。但特區政府現在還繼續「考慮」根本浪費時間;出境數量限制上繼續「玩嘢」, 根本只在做騷俾香港人睇「我做咗嘢啦」, 但就繼續緃容走私奶粉的行為。背後是否北京「聖旨」要保住「滿足大陸人的需求」我不作評論。事到如今, 特區政府還不立即採取行動, 甚至係咁「搵位攝」意圖保住大陸人......敢問這是一個向人民負責任的行為嗎?

另外, 葉劉淑儀星期一傍晚好威咁行出嚟表示考慮提出私人條例草案, 今日《都市日報》NEWS力場 標題「葉劉做「香港第一奶媽」?」 又講到佢係提出呢個建議嘅第一人。奉勸葉劉自己好「識做」出嚟澄清, 唔好繼續扮嘢扮原創, 雷頌德以前的豐功偉績是甚麼結果坊間都相當清楚, 更是原創就在於我們這班「唔係人咁品」嘅博客/時事評論員。我們不是要搶奪功勞, 而係要證明當前嘅官員同政客係廢到無輪而已。
Photo by Michael Mo
延伸閱讀
奶粉荒, 擺好陣之後.....

返回主頁

沒有留言: