__

__

解決搶奶粉根本易如反掌

大陸走私客在香港搶購奶粉搞到天怒人怨,加埋北區學額問題就搞到一班本是不問世事只為個人權益的本地媽媽向政府發出「最後通牒」, 就使我想起法國大革命都係因為「師奶買唔到麵包」而爆發。先撇除前文提及「基本法十八條」的政治風險問題, 小弟相信呢股怒火隨時一發不可收拾。


說回奶粉問題, 走私客係以螞蟻搬家方式轉運中國境內, 目的只為避開中國海關對奶粉徵收達25%的關稅, 而每人携帶四至六罐過關的話可被理解為個人使用不免徵。但好多呢類「走貨」都係再出售圖利, 所以我不會再稱他們為「水貨客」而會是「走私客」。筆者今日走到旺角東, 更見走私客公然在警察面前大叫「我係走私呀, 咁點吖.....」, 但警員竟將佢放走。(詳見:https://www.facebook.com/photo.php?fbid=521638927867485) 試問咁情況, 走私客點會唔有恃無恐!

但本地人嘅奶粉問題依然無解決, 高永文提出的甚麼媽媽會搞配給簡直荒謬!承如昨天黃世澤已經提出可以修訂《儲備商品條例》(香港法例第296章) , 將奶粉加入管制類別就已經解決問題。而且修訂這類法例同附屬法例係採用「先草擬後審定」的方法, 絕對係立法會審議法例最簡單的程序。從正常角度, 我實在睇唔到高永文點解唔做;但從唔正常角度, 就睇到大堆唔做嘅原因。所以我响Facebook 專頁推出了這張稱為「電子單張」


若果完成修訂Cap. 296, 其實對奶粉貿易、銷售影響非常輕微, 極其量只是增加貨品出入貨記錄及申報的行政工作。而且大多數藥房都係採用電腦銷售及存貨管理系統, 根本就沒有難度。但是一些「炒家」藥房就會馬上現形, 坊間及公民社會就可以同時進行所謂「捉鬼大行動」。也再次撇除「基本法十八條」的政治風險問題, 高永文同「奶粉產業鍊」是否有不可告人的秘密, 實在不得不懷疑了。

後記:作為一個評論人, 我知道張「電子單張」 Footnote 嘅用字絕不持平甚至帶有攻擊性, 但事到如今香港人還是敢怒不敢言, 我認為有需要起帶頭作用。
與此同時, 一直以來有唔少「公義份子」認為唔應該侮辱大陸人、甚至認為「大陸人因為三聚氰胺所以嚟香港買, 我哋應該要包容同理解」。筆者對呢啲不食人間煙火嘅人是毫不客氣的。請勿只站於所謂嘅政治道德高地, 麻煩向市民提供一個快靚正有效嘅解決問題。我就強烈建議女性立即去打催乳荷爾蒙為全港嬰兒提供充足奶水!!

返回主頁

沒有留言: