__

__

帶眼鏡人士路經灣仔道請小心

位於灣仔道173號 (即吉野家一邊的行人路) 的名門眼鏡, 小弟幾乎每次經過都會有一名男子招攬, 一時又話幫你洗眼鏡, 一時又話幫你校眼鏡.....
心諗, 開眼鏡舖之嘛, 駛唔駛好似做小販咁, 又或者做地產代理「打街霸」吖

舊年11月16日約19:50, 小弟又試路過, 一名身形肥胖的男子又出來招攬, 該次仲真係好似地產代理「打街霸」咁遞卡片攔途截刧式推銷, 甚至仲拉住我手臂話「阿生入嚟同你校個眼鏡吖」。 我一嘢揈甩手唔理佢直行直過, 條友竟然爆粗「屌你老母呀,唔撚接」。於是我轉身走回店門前質問「我唔接卡片駛唔駛屌人老母咁」, 呢條友就縮回入舖內。另外據一位朋友提到, 呢位男子以前响葵涌廣場經營眼鏡店時, 都是採取類似手法意圖拉人光顧。

以下呢張相係當晚事發後, 行過對面馬路影的, 純粹作時間記錄。

今晚約19:40從活道走到克街, 離遠又見到呢條友係咁「打街霸」招攬。發覺呢間舖、呢個人死性不改, 就乘著今天帶了相機可作超遠距離拍攝, 就來點相。


小弟唔係要置某店、某人於死地, 志在提醒讀者們行經時小心, 避免發生衝突。不過用得咁嘅手段「撈客」總有「唔荒有好嘢」嘅感覺, 故要警戒呢啲咁劣質嘅經營手段。如果該店東主睇到的話, 唔好諗住用啲黑嘅手段「對付」小弟, 我只係做一啲類似消委會嘅事而已, 因此請你做返好你盤生意先再講嘢。掉返轉講, 如果你正正常常嘅經營, 又點會有呢啲事發生!

返回主頁

沒有留言: