__

__

攞都費時去攞嘅2013預算案

曾俊華今日宣讀財政預算案, 小弟毫無意欲去索取一本返嚟, 所以只在網站睇完就算。但1月16日施政報告有去攞係因為要睇下六八九到底有幾福佳。响依家嘅政治體制之下, 只有一個唯共匪命是從、唯商賈聲而行嘅垃圾政府, 期望佢會有實質施政簡直痴心妄想!

所謂無期望就無失望。但係咪低表無嘢要作評論, 又唔係囉。因為垃圾堆中, 總有啲更垃圾嘅嘢!

經濟表現與經濟展望, 我認為講多都嘥氣。咁多年來吹捧嘅所謂經濟成就, 來來去去都只係媚共政商人士先得到好處, 再唔係就係03年沙士後買咗樓有磚頭嗰堆。真正出賣勞力嘅得到有幾多, 真係所謂有版你睇。鬍鬚曾見記者時仲話「汲取歐洲教訓 不會依靠財富再分配」(香港電台2013-2-27 HKT13:47)。大佬呀, 依家香港嘅堅尼系數證明香港已經係非洲草原,窮者越窮富者越富!

推經濟增就業更加係笑話。先講近期我評論得最多嘅旅遊業問題, 小弟今日响蘋果日報嘅「爛文」計咗條數出嚟旅客數量OVERLOADED, 仲掛住起酒店? 想整多一堆雍澄軒出嚟都唔駛咁搞架!海洋公園已經迫到阿媽都唔認得, 迪士尼亦都只有蝗蟲麼囉差...... 遊輪碼頭?? 我睇見啲規劃設計就想炸咗佢!盛事基金咪又係繼續SHOPPING SHOPPING & SHOPPING。「有見鄰近城市近年主辦一級方程式賽車、NBA籃球海外賽事等活動,我們會繼續以進取的態度,爭取舉辦更多盛事。」運輸署班膠官 + 啲硬膠環保塔利班, 繼續流口水睇住新加坡、上海年年以賽車搵大把水啦!
拉返闊去睇又係講嚟講去都係金融服務業。扶植新興行業? 董建華講撚到依家啦!

教育用上「投資」就知方向錯誤, 講多都無謂。投資基礎建設方面, 90-94段都係現在進行式, 寫嚟都唔知為乜;96 & 97海水化淡廠又係繼續研究、評估...... 俾東江水毒死+大陸人嘈死都未起好。我就強烈建議盡快去新加坡搵李顯龍傾兩句, 相信兩年內一定見到第一間水廠出現!穩定土地供應又係繼續只係叫人買樓,講到尾又係瑞銀投資前任研究董事王震宇嗰句:至於窮人買樓難嘅問題,低增值人士請離開香港!

關顧民生問題都只係舊酒舊瓶,繼續N無人仕無事發生。優化強積金制度真係多撚謝!MPF 我嘅立場同獅子山學會一樣 -- 廢除。至於左翼提出嘅全民退休保障, 我認為需要更多實在嘅數據而唔係一堆理論層面+理想化嘅推算。至於派唔派錢, 响依家中共經濟有大量潛伏危機之下, 與其留低一堆純粹數字的盈餘及儲備等梁共匪牽頭去搞個金發局俾共產黨搶咗去, 真係情願派咗佢好過。但唔係一炮過一萬幾千, 明白「通脹」道理的就會明箇中原因, 具體操作可以再諗。

要我俾分的話:-700,000,000 (全港每人負100分)

返回主頁

沒有留言: