__

__

晉惠帝政府

縱使財政預算案嘅內容係膠都費時派, 但又的確越掘越多問題出嚟。好似今晚D100 十級自由風一位聽眾表示「四億八千萬送廿個出去讀書,係咪每個高官一人一個?我唔想陰謀論呀,但呢個建議實在睇唔到有任何存在需要。讀得到書嘅,外國院校隨時出埋獎學金拔尖啦!」

另一個「笑位」當然係「中產」身份。曾俊華俾市民插到開巷都唔認錯、或者四兩撥千斤迤咗就算, 仲要講埋一堆垃圾言論, 搞到今日啲FACEBOOK、高登冚把冷都係咖啡、法國電影洗板。點知今晚仲俾NOW新聞台掘返政府嘅定義出嚟

2013年02月28日 19:57 星期四
新聞智庫:政府定義中產月入1至4萬元
一個普通打工仔同屋企人住咁計, 車錢$40 早餐$30 午餐$50, 每日基本開支都$120, 一個月接近$3000。同得屋企住就要俾家用, 仲有U-GRAD 無乜邊個唔駛還錢俾政府。月入$10000 叫中產? 曾俊華唔好玩啦.....

先放低收入唔好計住, 普遍人對「中產」的印象係所謂「四仔政策」齊章之餘仲有啲錢剩。供樓起碼$20,000, 住屋燈油火爉伙食又起碼成萬銀, 養車每月起碼$6,000, 有細路供書教學請埋菲傭又要多$6,000, 基本盤都已經$40,000。

呢個政府根本就係晉惠帝, 等八王之亂發生, 睇下邊個做司馬越毒死佢算數!

返回主頁

沒有留言: