__

__

車公靈簽 - 從頭嚟過

今朝劉皇發去車公廟為香港求簽, 結果就求到九十五號簽
今早九點半已CAP, 一直外出故依家先寫到
(C) RTHK



今早睇完之後再找詳解:
解曰:宜慎小人.凡事不利.
斷曰:家宅頗豐.占病防送終.自身頗悲.出入無功.婚姻不合.求財虧本.
先吉後凶.損失慘重.赤腳有因.入歧欠聰.
自身:困境   財運:會破財  訴訟:破財不順
行人:未至   生育:未得身孕 出行:會有意外
事業:不順   姻緣:恐會離異 家宅:是非多
搬遷:不宜遠遷 疾病:小心血光
然後心中暗道:呢鋪香港玩X完!

先此聲明, 筆者不懂術數, 純粹以簽文字義解說。信則是, 不信則非。
簽文本解「打回原形」。高車指以古時達官貴人出行用四匹馬拉動嘅馬車, 遠征而「赤腳而回」即係四馬高車扮晒大款,終於輸到褲穿窿;後面兩句意指「唔係無本事,只不過不務正業終於搞出事」
經濟上可以話係多年來投機炒賣、乜都中港融合祖國靠山完全離棄以往實幹做事。股樓+自由行帶動嘅零售應該一Q 清枱;社會上就因為呢啲亂局而生巨變,人心必須要還原基本步才會搵到出路;政治局面都係「還原」── 婚姻不合,姻緣恐會離異,講到白過白光啦!
「解曰」還提到宜慎小人,六八九身邊成堆啦,但個個只為追J數,管治之事豈會順利?!自身困境,即是要求破局 ── 充闊佬不務正業咁多年,係時候要還,財運梗係不濟啦;指鹿為馬,法庭一咋為求上位嘅釘官,無真正的主持公道,家宅怎不事非多?!

總體即係因經濟冧檔而生巨變,然後要重頭嚟過。睇現局就應該係大陸爆煲出事連帶香港受累。留名等睇近期為自由行加租迫遷搭尾班車嘅大業主跳樓啦

若要說得白一點, 十五年來, 香港人可有務實做事而不靠投機?莫講話無人做實業開工廠之類, 住屋攞咗嚟炒,連的士、小巴、甚至法例寫明「不可轉讓」嘅旅遊巴牌.....通通民生尤關的事也不做好而只顧投機,個個凡事向錢看,無本事炒賣的就幾乎揸兜咁滯, 結果就搞到香港社會秩序大亂。但歸根究底, 問題在於十五年來特區政府事事靠攏中共, 一眾媚共政客商賈日日吹捧「要心懷祖國」實質就淘空香港幾代人的成果, 而同時讓大陸的黑錢(即所謂熱錢)、人流進入香港, 弄得炒賣風熾熱而香港人就發揮「世界仔」精神!人流湧入造就所謂經濟成就, 也一窩風迎合佢哋嘅需要, 卒之就搞到連銅鑼灣藥房都多過七仔;同時間, 另一類人流 ── 雙非、單程證就壓抑本港基層的謀生能力....... 成個社會根本嚴重撕裂。

車公大元帥警示係「呢鋪物極必反」, 引爆點會是香港內部, 目前還是難料。但更有一個可能係大陸的經濟出現崩潰, 呢個唔能夠單純睇中共公佈嘅所謂經濟數據。撇除造假的問題, 其實有不少跡象存在, 但要透過觀察不同的經濟活動情況和社會動態才能明白。十五年來的過度依賴中共也就隨時使香港走入深淵, 更是六八九呢條仆街事事唯北京是從, 金融發展局的成員全為中共背景人物, 我認為三萬億儲備必須要小心昅實。

車公另一說道就係要香港人要醒覺走回正路, 否則東方之珠將永久消失。不過, 以我對香港人嘅了解, 應該有唔少人只會考慮到遠走他方。那麼我就狠毒的說一句:走咗就唔好諗住返嚟, 因為香港到時已經爛晒, 你唔會再有意欲返嚟;更是你在香港大難臨頭時走咗去, 即使能恢復的話你還有顏面返嚟嘛?

香港人, 好自為知了!

今日其他博客的「解簽」
黃世澤 - 劉皇發抽中股災簽
輔仁媒體:
癸巳年劉皇叔車公靈籤釋義:大難臨頭
〔林非解籤〕車公靈籤:九五簽.下簽

返回主頁

沒有留言: