__

__

從政就當關注本土

今日响旺角幫手為毛孟靜及范國威的「香港本土」的街站行動 -- 要求撤銷一簽多行及為自由行封頂。短短一個半小時就收集到逾1200個市民簽名, 成績完全出乎意料之外。從尖碼之聲以來也未試過有這「瘋狂」的情況, 可見港人對「自由行」的不滿情緒到了爆發邊緣。

環保觸覺譚凱邦、跑完10km 的 Michael Mo 都有來撐場

但從相反角度去睇, 香港人總會對切身利益嘅議題非常關注, 還記得有政團說過辦聲援中國民運人士的簽名行動三小時也只得寥寥數百。相對起來, 可以話香港人「自私」, 也可以看為人之常情。再從另一個角度去睇, 自由行帶來嘅社會問題已非常嚴重。兩位立法會的新丁不單由選舉開始大打本土議題殺出一條血路, 追緊市民關注議題和採用公眾語言, 今日嘅一點成績證明資源少都可以打到一場靚仗。

先撇除政治角度考慮, 自由行絕對與市民基本權益尤關。可是過去咁多年, 未見有任何政客真正作出過關注, 甚至到中港矛盾問題因為雙非孕婦、搶奶粉、D&G事件而正式爆發, 泛民政客極其量都只係出嚟講兩句呼籲市民冷靜, 甚至有個別人士明言「唔好搞歧視;唔應該針對大陸人」之類。呢啲人唔單止被人噴到一面屁, 自由行/過量大陸遊客導致的問題並沒有得到認真的處理。但綜觀自D&G事件至今一年多, 似乎有好些人因為「中國人」呢三個字而不知如何處理, 甚至採取了錯誤方向的行動。

面對將會是排山倒海、層次高至政制低至民生的港中問題, 不知政客們有何想法, 但一個好簡單的道理:在香港從政就當為香港人謀事! 今日街站的成績已經是一個證明。

後記1:近期多咗人談論南洋政治。我得想提出一點, 不論是新加坡工人黨於2011年大選攻下阿裕尼集選區, 抑或近期馬來西亞人民聯盟的大選前活動聲勢不弱, 都是因為能捉緊民情。劉程強等人一直就專心於選區內的社區事務;準備出選怡保的就專注於怡保、新山的就專注於新山..... 可有見過他們去「關心」其他地區、州份的事?!

後記2:今日另一單「爆」的新聞當然係世界單車錦標賽中國隊郭爽出茅招對付香港隊李慧詩。(黃世澤評了我就節省一點了!)
但竟然有某「激進政團」成員出言「好X煩, 犯規有咩錯? 有錯賽會自然會DQ佢....」;又或者有人引用2010亞運南韓車手向黃金寶犯規
表面好似係講道理, 但所謂社會大氣氛唔容許你講呢啲嘢嘅時候..... 唔出聲無人話你啞嘅!

返回主頁


沒有留言: