__

__

佔領中環是暴力,拖延民主無賴

筆者對「佔領中環」仍在觀望, 但其基礎是值得考慮的。中共最害怕的就是人民的力量得到展現, 看反國教一役就非常清楚。具體的思維仍停留在2月25日於《蘋果日報》的撰文

近期中共不斷向港人作出文攻武嚇, 不論今日《環球時報》評論, 或是早陣子的解放軍空軍實彈演練, 其實只是一個訊號:
共產黨同香港人晒冷 ── 擺明車馬唔撚俾普選架喇,係走你哋香港人數架啦,吹得我漲呀。你哋班港燦同我收嗲呀,香港收咗返嚟就我話事,唔到你哋過問!再嘈就出動解放軍屠城都唔關英國佬事,無人救到你哋架啦!
但其實只要對「國情」有更多了解, 就會知道中共對香港的普選的擔憂, 其實係香港有民主的話唔知點同十三億人交代。不過, 回望歷史, 呢個亦係共產黨用上「回歸」呢個詞彙換來的惡果。用香港嘅通俗俚語, 即係「自己捉蟲入屎忽」!

港人回歸英國心?

原載於今日《蘋果日報》。在這裏加入一些插圖豐富畫面

最近出現不少香港與英國關係的新聞:十多天前《南華早報》的「回歸英國」網絡投票的驚人結果;上周末英國將一九八二年中英談判有關的文件解密,其中提到英國政府原本打算在香港進行公投;日前有英國人在英國政府網站發起聯署促請英國政府收回香港。港人對這等新聞的關注程度並不如日常的政治新聞冷淡,箇中因由值得探討。

如果命運能選擇......

自從南華早報的網上投票 Would Hongkongers vote to return to a British overseas territory,given the option? 至今十多天,有關香港同英國關係嘅新聞、報刊博客評論為數不少。剛過去週日《蘋果日報》報導英國將一批1982年中英談判嘅文件解密,在坊間出現更多的討論。當然地「牛頭角順嫂、街市賣魚佬」十居其九都在說著「咁又點吖,都俾返咗共產黨咯,仲可以講得啲乜吖」。但我相信最多人有的感覺,就是感慨萬千、無限唏噓,心中暗想著如果當年有得選擇,真係唔好「回歸」好過。

王光亞啟示錄

王光亞表示他也要委托人脈從香港帶奶粉給他的孫女指, 故此「限奶令」使他感到頭痛。身為中共高層官員為香港的政策而頭痛, 而不是「限奶令」的根源問題 ── 三聚氰胺問題, 簡直荒謬!



馬來西亞大選

近期香港的政情離不開「佔領中環」,我對呢件事嘅想法已經在2月27日《蘋果日報》撰文「佔領之可行在於市民大眾」講晒,不贅了。

放眼亞洲,馬來西亞大選可謂準備就緒,只差首相納吉宣佈解散國會,或待今屆國會灰色地帶嘅最後法定期限4月27日結束就馬上展開。今屆馬來西亞大選選情將會相當精彩,加上08年以來三場Bersih 示威嘅民主運動,反映住馬來西亞人不分種族都有求變之意,甚至馬拉人同華人隔閡融冰而形成嘅政治生態變化,執政逾半世紀嘅國民陣綫形勢不容樂觀。Bersih 運動其中一個訴求,就是要杜絕選舉舞弊,早已表明會响今次大選前進行「捉鬼大行動」。據《當今大馬》今日報導,反對派人民聯盟組成之一嘅民主行動黨早前就响沙巴洲抽出近7000名可疑選民。過去靠選舉舞弊取得權力嘅國民陣綫(尤其是巫統)真係有得震無得瞓!

離開中國才能保留中華傳統

今日睇到兩篇報導,一篇本港、一篇馬來西亞的。
先談本港的《蘋果日報》香港那些年:毛孟靜的官與媒 蛋撻摺凳的藝與偽
本身係專訪毛孟靜,但談到佢同HUSBAND 一次遊英的經歷
有一次,跟丈夫參觀大英博物館,琳瑯滿目都是中國國寶,即時發火,指着丈夫說:「你們祖先全部是賊!」丈夫有英國人的幽默和口才,如此回答:「幸好有這些英國賊,把你們的東西偷去,放在大英博物館。想像一下,這些國寶可以在文化大革命時逃過劫難嗎?」

高晧正仲有市場....

高晧正呢膠友近日又對性觀念發表膠論。我就無興趣以「負面宣傳都係宣傳」轉載佢嘅廢話, 有需要可看「主場新聞」嘅報導

在現今世代, 叫人守貞潔唔係唔啱, 但高晧正用盡最原始人嘅角度、荒謬手法嚟宣揚, 或者係不食人間煙火嘅演繹手法, 換來的梗係俾「正常人」(此乃以高晧正的角度而加的引號) 狂砌啦;結咗婚先好造愛, 目的係建立自信..... 乜鳩嘢邏輯呀。真正做神學研究嘅人都知道, 响一啲涉及性道德嘅事情必須考慮一些歷史因素, 就係舊約至新約年代, 係隨時廿歲未夠就做老豆阿媽。要現今嘅人禁慾十幾年其實是不切實際。或者蔡志森之類所宣揚要禁絕一切情色資訊, 就係希望「沒有資訊啟蒙故不知性需要」之立論能夠成立。

香港回歸英國?

北京已經對香港旗旗海發晒爛咋, 南華早報唔知發乜嘢神經, 尋日借福克蘭群島主權公投嘅新聞响網站搞個「Would Hongkongers vote to return to a British overseas territory, given the option?」嘅投票活動, 結果由尋日下午兩點多被發現時的74%支持重返英國, 到午夜左右升到93%


左:大約14:30 右:大約16:00

重開渡輪吧

地鐵又壞車,今次又係「重災區」將軍澳綫
《蘋果日報》即時新聞 17:04 訊號未修復 將軍澳線班次續受影響

將軍澳的城市規劃比當年的屯門更垃圾,既缺乏區內就業而產大量離開區域工作的通勤人口,但交通設計就得一條隧道同寶琳道,搞到日日塞車;更可能港鐵大股東是特衰政府而對巴士服務閹得就閹,搞到地鐵日日迫爆。結果一壞車就成個將軍澳對外交通癱瘓咁滯。

三聚氰胺問題, 大陸人自己搞掂佢

今日NOW 【時事全方位:限帶奶粉出境修訂】對立法會即將審議《進出口條例》規管兩罐奶粉出口進行討論, 節目重溫可按以下連結:

Part 1, Part 2,
Part 3, Part 4

對於有風聲指有議員考慮提出所謂「日落條款」, 我的立場已經非常清晰, 不累贅了。另外, 連同早前《蘋果日報》撰文〈莫迫使實施《儲備商品條例》〉, 可以話再一次警告奶粉商唔好再同走私集團有任何勾結。

再評俞正聲廢話

俞正聲狠批「拎港英旗出嚟就是搞顛覆」, 俾人狂轟「為廿三條鋪路」, 卒之都係搞到中共要派人出嚟救火:
RTHK 2013-03-07 HKT 18:07 消 息 : 張 德 江 否 認 中 央 收 緊 對 港 政 策
中 共 中 央 政 治 局 常 委 張 德 江 出 席 港 區 人 大 代 表 小 組 會 議 , 消 息 指 , 張 德 江 在 會 上 主 動 否 認 , 有 關 中 央 會 收 緊 對 港 政 策 的 傳 聞 。
雖則張德江呢啲都係廢話, 但除咗可以理解為救火之外, 仲係想捉鬼 -- 邊個同記者放風!!

腥臭日爆咪亂寫

馬來西亞《星洲日報》俾反對派支持者改咗個外號叫「腥臭日爆」, 用華語讀就知道好似香港人「玩諧音」。事關呢份報紙的立場不單親國陣, 風格直頭就好似香港的文大公呢類親共報章。尤其是馬來西亞大選如箭在弦, 暫時在香港所了解到的民情對反對派人民聯盟稍為有利, 甚至有分析指小弟老家 -- 砂勞越, 將決定國陣會否失去過半數執政地位。呢份「建制派報章」當然大肆開動宣傳機器維穩!

不如盡快在香港重演六四

香港旗唔只搞到陳佐洱心絞痛, 終於由預計負責港澳事務嘅愈正聲發爛咋

RTHK 2013-03-06 HKT 22:10 俞 正 聲 據 報 向 港 澳 政 協 稱 香 港 有 人 搞 顛 覆
示 威 者 高 舉 港 英 龍 獅 旗 是 「 歪 風 邪 氣 」 , 又 強 調 香 港 不 能 成 為 顛 覆 大 陸 社 會 主 義 的 陣 地 和 橋 頭 堡 , 如 果 對 舉 英 國 旗 、 搞 港 獨 等 行 為 沒 有 鮮 明 的 態 度 , 任 其 發 展 下 去 , 後 果 是 不 堪 設 想 。
再睇埋今日多份報章都大篇幅報導, 證明呢一炮都發得相當凌厲

港中矛盾邊有咁易解

人大政協會議講啲乜真係無興趣理, 連成龍再有所謂金句, 眼尾都無望過。唯獨是共匪們同啲傀儡走狗對香港講乜就要留意, 始終切身尤關。
「限奶令」呢三個字已經搞出一堆屎出嚟, 縱使《進出口條例》的真相是「有許可證就能大批出口」,但對於習慣邏輯認定設限即禁的大陸民眾而言,帶得兩罐同禁運是沒有分別。莫講話微博、各大小網上討論區齊聲炮轟港人無良心,甚至話「你斷我奶,我斷電斷你的水,看誰捱不過」, 更是官方喉舌《環球時報》猛烈攻擊。大陸人點睇呢件事, 唔係梁啟智你條微博有轉發接近四萬次就以為可以說道理。有幾多無微博、無轉發嘅鬧爆,甚至轉發之後另插一刀吖..... 做人不要這麼鍾欣桐吧!


留言管理政策

開博時唔記得發佈規矩,結果一嚟就整件野蠻人!
(或者係小弟「無料到」,所以開咗四個月先有第一個留言.....)


大原則:言論自由係現代文明社會之必須,亦係香港「仲係香港」嘅至重要因素,因此全開放留言功能。但言論自由又並非毫無節制,尤其是近年來自中國嘅「五毛」,即所謂嘅網絡打手。呢啲人濫用言論自由之名做盡壞事,更重要係佢哋根本毫無道理可言,志在混淆視聽或者嘥你時間。這處沒有空間給這些人呃維穩費。

亦因為唔想浪費各讀者嘅寶貴時間,因此本博客會採取以下管理措施:
1. 所有不具名的留言,不論有無道理,殺無赦
2. 具名的留言會評審。通過就會刊出,「五毛」留言不會刊出,但會保留日後公告天下
3. 「五毛」與否,由本博客定奪。唔好同我拗,無咁得閒燒時間幫你「出糧」
4. 任何涉及人身攻擊的留言,不論針對誰人,將會保留但不刊出。並會轉交有關人士處理。如將涉及訴訟就閣下自理!

何時可以影到一串無廣告的九巴?

九巴又加價全城火滾, 分拆廣告收益一早就被踢爆晒!范國威亦借此論點近期不斷發炮狂轟, 行政會議唔聽就預咗, 但都叫做立此存照盡過努力。鄭經瀚亦响《信報》專欄「大班人語」開炮狂打, 除咗廣告之外亦駁斥歐陽杞浚嘅「市值購入車廠地」之謬論。詳情可閱D100 Facebook 專頁的轉載 (link: https://www.facebook.com/photo.php?fbid=342126309232963)

分拆廣告收益嘅問題除咗擾人清夢嘅Roadshow 垃圾節目之外, 仲有車身、車廂、椅背的平面廣告。椅背嘅貼紙俾人多手撕毀已經變得平常不過;車廂嘅廣告又唔係個個精緻到出前一丁嗰個咁受到歡迎;車身廣告...... 小弟並非「巴膠」成日影巴士, 但也留意到近年真係想搵架無廣告嘅「純影」真係難上加難。問過一些較常影巴士的朋友們, 佢哋都話「想影到架無廣告嘅車已經接近無可能」

中間道停車場 -- 私家車政策

近日以尖碼之聲再次出場, 與毛孟靜、環保觸覺一同行動去爭取保留尖沙咀中間道停車場。短短時間已有近千市民簽署反對意見書, 反應在我同尖碼之聲成員嘅預期, 但Ms Mo 同佢嘅同事就話出乎意料之外。其實再次證明, 只要是民生議題和切身利益, 市民就會行動。算是引證到小弟响2月25日《蘋果日報》標題「佔領之可行在於市民大眾」的撰文:
市民談論政制總擺出愛理不理的態度,但若涉及民生問題以至切身利益之事,市民就會蜂擁而出