__

__

吹氣鴨嚟香港啦

昨晚深夜在網上 (尤其是FACEBOOK) 傳出一個令港人高興嘅消息
From Wikimedia Common

呢隻鴨會嚟香港!

根據多個網絡消息, 包括MeetHK.com 旅遊情報網 Facebook 專頁、展覽資訊網站 Timable 發佈, 海港城聯同鴨仔主人Florentijn Hofman 會於5月2日至6月9日帶同巨鴨嚟香港游弋維港。但動鍵盤前仍未有Hofman 或海港城嘅官方正式公布。响目前香港一片消磨氣氛之下, 呢隻鴨相信會為唔少港人帶來一點的歡樂。

不過鴨仔帶來歡樂嘅同時, 我預計由目前籌劃到正式出現, 都會有唔少膠嘢。例如:
  1. 海事處以影響維港安全為由, 唔准隻鴨隨水飄流。規定必須綁繫於指定碼頭, 例如海運大廈;或者要求安放於一首躉船, 或由一首拖船牽引巡遊
  2. 食環署會當係丟棄垃圾落海, 發出傳票控告Florentijn Hofman
  3. 就當1. & 2. 成功「打甩」, 會有好多船主向海事處投訴「有巨型障礙物影響維港安全」, 尤其是啲揸遊艇嘅暴發戶
坊間可會認為「給市民一點歡樂氣氛, 做啲嘢都要啦」, 但响公務員金科玉律「多做多錯, 少做少錯, 唔做唔會錯;若然有錯, 只係程序指引錯」嘅情況之下, 你估班膠務員真係做唔出1. 同2.呀? 至於3. 就完全自私醜惡人性表現, 不過政府討論公屋、醫院、弱能人士中心之類計劃, 普通市民咪一樣抱住「呢啲嘢係要, 但唔好响我屋企附近囉」......

除咗以上膠事, 亦因為「展覽」首週遇上中共國嘅「五一黃金週」, 預計大量大陸遊客迫爆維港兩岸。而大陸人其中一樣旅遊嘅心態, 就係「拍照留念以證到此一遊, 以能回老家向親友炫耀」。佢哋會為求一攝爭位相信大家都時常經歷到, 加上奶粉荒事件加劇港中矛盾氣氛, 秩序問題的確令人擔心。

另外一定要提的, 該會是「酒店業聯會」「酒店業主聯會」一定諗緊點樣開盤炒貴晒啲房租架啦。香港嘅旅遊業一落千丈嘅其中一個原因, 就係呢班仆街冚家鏟為求賺盡最高回報大玩海鮮價。奉勸佢哋別無忘歷史, 過去有唔少「炒燶房」嘅故事架啦!

小弟只期望呢隻鴨仔能為港人帶來歡樂, 紓緩一下目前香港的陰霾社會氣氛。

返回主頁

沒有留言: