__

__

再評俞正聲廢話

俞正聲狠批「拎港英旗出嚟就是搞顛覆」, 俾人狂轟「為廿三條鋪路」, 卒之都係搞到中共要派人出嚟救火:
RTHK 2013-03-07 HKT 18:07 消 息 : 張 德 江 否 認 中 央 收 緊 對 港 政 策
中 共 中 央 政 治 局 常 委 張 德 江 出 席 港 區 人 大 代 表 小 組 會 議 , 消 息 指 , 張 德 江 在 會 上 主 動 否 認 , 有 關 中 央 會 收 緊 對 港 政 策 的 傳 聞 。
雖則張德江呢啲都係廢話, 但除咗可以理解為救火之外, 仲係想捉鬼 -- 邊個同記者放風!!

承上篇《不如盡快在香港重演六四》所言「响大陸上至中南海下至民間, 都認為《中英聯合聲明》係阻手阻腳」欲去之而後快的思想。可以肯定呢班人背後嘅思維之外, 更可以話呢班人無視聯合聲明嘅存在同歷史因素。今日《蘋果日報》楊繼昌撰文「 俞正聲低智否定鄧小平 」
這番話政治不正確。鄧小平說:「共產黨是罵不倒的。」但原來幾個香港人扯幾支旗,就可以顛覆「有中國特色的社會主義制度」,這就否定了鄧小平的話,罪大惡極。尤其是習總書記就任後第一件事,就是南巡深圳,表彰自己是鄧小平的真正繼承者,你否定鄧小平,更否定了習總,罪加一等。更何況,溫家寶的最後一份國務院報告,才肯定了新中國過去十年舉辦奧運和世博、發射神舟飛天等成就,俞正聲卻說香港變成了孫中山時候那樣的顛覆基地,豈不是詆毀現在的祖國是當年積弱的晚清?那絕對是損害中國十三億人民的感情。

除咗以上的一段外, 否定聯合聲明的存在同歷史因素亦係否定鄧小平於30年前所做的事。以中共歷史而言, 俞正聲同一眾糞青看待鄧小平同劉少奇、林彪以至四人幫無太大分別, 都是害國之徒。

另外《蘋果日報》訪問了俞正聲口中的顛覆份子陳梓進, 他表示
北京及特區政府一直也未有聆聽及回應港人對民生及政改的訴求,「唔知點解對支旗咁大反應」。龍獅旗是他的示威工具,希望藉此令北京注視港人不滿,「係令北京眼球聚焦嘅地方,等你聽到我哋訴求」.....再持龍獅旗示威可能被警方政治檢控,他指對香港警察仍有信心,不會諸多避忌,「如果咁樣拘捕我,對我係光榮,因為證明香港真係變緊」
一面旗幟就等如顛覆, 真係共產黨呢啲白痴「傻逼」(普通話粗口, 即係香港人講嘅「傻H」)先至諗得出。中共根本就唔敢面對點解呢一面旗幟可以挑動港人嘅原因, 就是「今不如昔」呢四個字, 覺得好無面。「幹嗎西方列強能辦得到的事, 咱們都是血濃於水的同胞卻辦不好」就是中共嘅思維!呢種思維更反映住北京逃避緊兩個事實:
1. 清朝至今嘅華夏大地嘅人本質根本無變過。
2. 共產黨本身係一個借社會主義作人民興奮劑去取得權力嘅利益集團

要承認埋的話, 既顏面無存且承認貪腐。更要補充1. 所指的即係陶傑成日講嘅「小農奴隸DNA」, 而現代文明就係由「西方列強」傳入。用落伍封建嘅手段同思維去對看待香港, 即係仲當架Benz Actros 拖頭係 Guy Big J 咁揸, 搵唔到枝「地拖棍」入波就發爛咋。真係傻的嗎?!


左圖:Benz Actros 右圖:1960年代嘅 Guy Big J

所以只好老屈香港旗係顛覆所為, 轉移視綫。但用上「顛覆」二字去看待香港旗, 我就想起一部金庸小說《書劍恩仇錄》, 將香港旗等同紅花會嘅標記、將陳梓進視為陳家洛。就係因為舉出「前朝旗幟」所以就是反清復明(反中復英、搞港獨)嘅行動。

越睇中共呢啲邏輯真係擔心自己年紀漸大笑到心臟負荷唔到去見上帝.....

送返1976年鄭少秋餘陳家洛嘅版本嘅主題曲俾各位吧
返回主頁

沒有留言: