__

__

高晧正仲有市場....

高晧正呢膠友近日又對性觀念發表膠論。我就無興趣以「負面宣傳都係宣傳」轉載佢嘅廢話, 有需要可看「主場新聞」嘅報導

在現今世代, 叫人守貞潔唔係唔啱, 但高晧正用盡最原始人嘅角度、荒謬手法嚟宣揚, 或者係不食人間煙火嘅演繹手法, 換來的梗係俾「正常人」(此乃以高晧正的角度而加的引號) 狂砌啦;結咗婚先好造愛, 目的係建立自信..... 乜鳩嘢邏輯呀。真正做神學研究嘅人都知道, 响一啲涉及性道德嘅事情必須考慮一些歷史因素, 就係舊約至新約年代, 係隨時廿歲未夠就做老豆阿媽。要現今嘅人禁慾十幾年其實是不切實際。或者蔡志森之類所宣揚要禁絕一切情色資訊, 就係希望「沒有資訊啟蒙故不知性需要」之立論能夠成立。

除咗一眾上FACEBOOK 嘅人之外, 連「主場新聞」都拎嚟抽水報導, 可想而之高晧正柒到核爆。但佢呢類言論已經唔係第一次, 早陣子嘅「水樽論處女」已經全城鬧爆, 何以佢仲可以繼續講呢? 一個簡單嘅邏輯:有人受佢先講囉, 唔係講嚟搏鬧咩! 邊啲人受佢呢啲邏輯都唔駛畫公仔畫出腸。呢啲人嘅思想真係充斥聖經色彩, 但最大鑊係同現實完全脫節。佢哋睇依家嘅世界, 唔係所多瑪和蛾摩拉、就係巴別塔時期, 成個世界充滿罪惡, 尤其是泛道德嘅罪孽, 所以認為「世人要悔改, 免招上帝的審判」, 於是就採取泛道德主義四出批評依家嘅人道德淪亡之類。

對這情況我提出兩堆評語:
第一堆:
今日有報導講趙世增玩女人三妻四妾你哋唔鬧, 淨係鬧趙式芝係LESBIAN 犯罪?
拍拖開房、一齊旅行、同居;甚至一腳踏兩船、搵SP、搞換妻、ORGY PARTY..... 關你哋乜事呀?

第二堆:
呢班人對於同志平權就話「影響佢哋逆向歧視權利」。但講緊立法只為保障基本生活需要, 咁都要反對, 即係要剝奪佢哋嘅生存權啦。咁同中世紀時期拉啲非信徒去燒去殺, 除咗無點火無攞刀之外, 有乜撚嘢分別?
政府施政不公就唔出聲, 一係就走出嚟引用聖經話「要順服在位者」

強烈呼籲高晧正最好收聲, 事關你每次發表呢啲膠嘢嘅時間已經俾人查緊有啲可疑。係咁諸心論架啦, 唔鍾意咪唔好聽囉。不過我臨尾都要講, 你以為响ROADSHOW 成日烚熟狗頭就等如SHOWING 基督在生命中就是充滿喜樂呀?


呢個就係現今香港嘅耶教徒嘅弊病呀!

返回主頁


沒有留言: