__

__

馬來西亞大選

近期香港的政情離不開「佔領中環」,我對呢件事嘅想法已經在2月27日《蘋果日報》撰文「佔領之可行在於市民大眾」講晒,不贅了。

放眼亞洲,馬來西亞大選可謂準備就緒,只差首相納吉宣佈解散國會,或待今屆國會灰色地帶嘅最後法定期限4月27日結束就馬上展開。今屆馬來西亞大選選情將會相當精彩,加上08年以來三場Bersih 示威嘅民主運動,反映住馬來西亞人不分種族都有求變之意,甚至馬拉人同華人隔閡融冰而形成嘅政治生態變化,執政逾半世紀嘅國民陣綫形勢不容樂觀。Bersih 運動其中一個訴求,就是要杜絕選舉舞弊,早已表明會响今次大選前進行「捉鬼大行動」。據《當今大馬》今日報導,反對派人民聯盟組成之一嘅民主行動黨早前就响沙巴洲抽出近7000名可疑選民。過去靠選舉舞弊取得權力嘅國民陣綫(尤其是巫統)真係有得震無得瞓!

根據目前分析,人民聯盟的確佔有一些優勢,但因為採取單議席單票制而議席數目(以今屆計)多達222席,所以最終鹿死誰手還未能夠肯定。但因為小弟老家砂朥越是最大洲份,當地分析認為會是「決戰砂朥越」以定民聯會否當上國會過半數執政,東馬兩洲自1963年加入馬來西亞聯邦以來都未有得到中央政府嘅重視,甚有孤兒仔之味道,不過國陣最耍家嘅當然就係利益輸送啦,但前日再有一宗同巫統有關嘅貪污事件被揭發(《當今大馬》3月19日)。反對派民聯都不是坐以待斃,其中一位港人熟悉嘅馬來西亞政治人物,目前為民聯組成政黨之一嘅公正黨領袖、前首相安華更多次親身前往砂洲進行宣傳,可見反對派相當重視。

嚴肅之外,有一單對香港人嚟講會係笑料嘅消息:成龍將會出席明天(23日) 响關丹舉行一項建校籌款活動,而主辦單位「馬來西亞中華大會堂總會」政治取態親國陣一方,故此明天嘅活動將有現任首相納吉出席。按照香港人看待成龍的態度和想法,即是國陣已被詛咒,準備輸到甩褲!

另一樣值得分享的是有關選舉佈陣嘅新聞,兩派都有因為「爭位」而有紛爭。民聯其實都有過內哄,但「雙林」、安華等人都高調出嚟呼籲大家一人小句,齊心以擊敗國陣為目標,總之會做最妥善嘅安排,亦真係好快無晒呢啲消息。國陣表面平靜,實際暗湧處處,單單民聯宣佈會大舉進攻柔佛州,甚至由民主行動黨元老林吉祥與及秘書長林冠英親見出征同督師已經搞到國陣陣腳大亂。國陣組成之一嘅馬華公會主席蔡細歷受情慾影片醜聞事件遲遲不肯表態,而佢個仔蔡智勇卻宣佈將會出戰。早前明言「邊度都唔選,除咗追打咸濕佬。佢走到沙巴我就追到去沙巴」嘅民主行動黨民宣組組長丘光耀被游說「唔打老豆打個仔」,結果幾番考慮之下決定唔選,佢所持嘅理據如下:



事實上,以丘光耀响當地嘅個人魅力和演講吸引力,助選做變相嘅吸票機器可以有全國性嘅效果;況且蔡細歷係咪搵個仔出嚟調虎離山是不能排除的。另一點值得留意,丘光耀嘅聲明盡見佢「一切以大局為先,個人榮辱為後」,而且講明如果民聯已經有人同蔡細歷對訣都唔會求讓出位置,相反會全力幫手助選。呢啲咪一個政治人物應有嘅氣魄同心態囉!!! 香港嘅政客們......

總體而言,今次馬來西亞大選是值得期待同留意。

延伸閱讀
輔仁媒體 ~ 與黃進發談馬來西亞的政制發展(2012年5月Bersih 發起人之一的黃進發博士來港的訪問)

返回主頁

沒有留言: