__

__

三聚氰胺問題, 大陸人自己搞掂佢

今日NOW 【時事全方位:限帶奶粉出境修訂】對立法會即將審議《進出口條例》規管兩罐奶粉出口進行討論, 節目重溫可按以下連結:

Part 1, Part 2,
Part 3, Part 4

對於有風聲指有議員考慮提出所謂「日落條款」, 我的立場已經非常清晰, 不累贅了。另外, 連同早前《蘋果日報》撰文〈莫迫使實施《儲備商品條例》〉, 可以話再一次警告奶粉商唔好再同走私集團有任何勾結。雖然預計實施《儲備商品條例》管制奶粉的成事機會不高, 但如果奶粉荒情況未有真正緩和與及走私問題持續的話, 我相信必定有議員會拎出呢把尚方寶劍出嚟「捉鬼」。

回到基本步, 奶粉荒 / 實施奶粉出口管制的根源問題, 就是「趙連海要坐監嘅三聚氰胺事件」, 之所意咁刻意提及趙連海並非左膠腦中所謂嘅「向弱者抽刃」, 而係要強化大陸人响中國有毒奶類製品問題上面, 除了向共產黨噤若寒蟬之外就只懂向外討盡個人利益所需呢啲垃圾思維。自身權益都唔會去爭取, 相反地向外求援時仲巴撚閉嗰隻。俗語所謂「老奉幫你架?!」正如大陸有人在網上明言「你們香港敢斷我奶我們就斷你水」, 或者批評歐洲、澳洲地方嘅限購措施嘅言論。求人仲咁嘅態度, 係共產黨之下嘅中國人先會咁。

如果中國人係知道自己嘅國家嘅奶製品有問題而好聲好氣向外求援, 我相信好多國家會出手幫忙。但依家既唔敢對共產黨硬起來, 向外求援又咁嘅態度, 只能講一句:你哋食自己啦!

返回主頁

沒有留言: