__

__

中間道停車場 -- 私家車政策

近日以尖碼之聲再次出場, 與毛孟靜、環保觸覺一同行動去爭取保留尖沙咀中間道停車場。短短時間已有近千市民簽署反對意見書, 反應在我同尖碼之聲成員嘅預期, 但Ms Mo 同佢嘅同事就話出乎意料之外。其實再次證明, 只要是民生議題和切身利益, 市民就會行動。算是引證到小弟响2月25日《蘋果日報》標題「佔領之可行在於市民大眾」的撰文:
市民談論政制總擺出愛理不理的態度,但若涉及民生問題以至切身利益之事,市民就會蜂擁而出

但我與Leslie的參與, 在網上又引起一陣子的吵鬧。一些一直以嚟總對私家車恨之入骨嘅人又走出嚟, 批評為何又要去策動一些「維護私家車利益」嘅行動。佢哋認為私家車係一樣多餘嘅東西, 係道路擠塞嘅主因, 必須要鏟除而後快, 骨子裏可以話係要「一次過劏晒佢」。以後會以「反私家車塔利班」稱呼佢哋。

根據運輸署最新統計數字, 私家車登記數目接近50萬架, 領牌行駛的超過45萬架, 客觀而言的確有點過多。但亦客觀事實係不去「維護」, 也要處理呢個數字嘅車輛衍生的交通規劃和管理問題。拆卸停車場改建商廈卻重置不足一半的泊位, 需求因商廈而增加供應卻減少, 結果就導致增加車輛兜圈搵位數量, 形成運輸學上稱作的「非必要車流」, 加劇擠塞和廢氣、浪費石油資源和所謂碳排放的問題, 這就是過去被我戲謔「環保膠」的譚凱邦會加入一齊行動的原因。

其實油尖旺區的交通問題, 除了尖碼之聲仍在跟進的旅遊車停泊/上落客和中間道停車場之外, 還有油麻地停車場受「中九龍幹綫」計劃要拆卸。但這個計劃比中間道更仆街, 因為政府無打算重置該停車場原本近700個泊位。

睇嚟特區政府只係想透過增加告票為漲庫房進漲!






對於汽車這非生活必須品, 或英國佬年代確定是奢侈品, 採取「寓禁於徵」我個人認同是正確方向。上調首次登記稅率、收窄稅階絕對值得考慮的。另一方面, 將目前私家車牌費制度進行「除開每cc」計算, 會得出越大排氣量每cc越平。睇嚟從政府成日強調「用者自付」原則同環保角度, 有必要全面修訂呢個用咗接近半世紀嘅制度。
目前私家車首次登記稅制度 (請點擊放大)

目前私家車牌照費制度 (請點擊放大)


後記:中間道停車場改建計劃確實相當唔起眼, 政界中人無人觸碰過。唔少簽名嘅市民除咗表示對計劃不知情之外, 亦有唔少人多謝毛孟靜「連一個咁細嘅停車場事件」都願意行動。我更可以透露係Ms Mo主動向我哋表示「想睇下呢件事仲有無得盡最後努力」。這就證明
立足本土, 就知有乜事要做!


毛孟靜, 范國威的議會組合 - 香港本土
Facebook 專頁 https://www.facebook.com/hongkongfirst

返回主頁

沒有留言: