__

__

人心歸英就是因為英國? (爛仔版)

「正常版」原文刊登於今日(25/4) 蘋果日報
字裡行間其實滿有怒火, 就將之撰寫於此

共匪走狗吳康民响4月23日《明報》撰文〈不可輕視英國在香港的潛勢力〉論到所謂「港英餘孽的四個梯隊」......
陳方安生「錯失良機,氣數已盡」...... 既然氣數已盡又何來勢力?真係狗屁不通!吳康民擔心陳太的政治勢力會死灰復燃,她的從政歷程的確形成相當人際脈絡,但响「牛頭角順嫂、街市賣魚佬」當中有幾多會會留意她的一舉一動呀?
第二梯隊是自由黨(田北俊都已對號入座了)。自由黨出晒名為求利益之嘛,既然中共又習慣提供利益做統戰,俾多啲著數佢哋就自動「歸邊」吧,仲鬧來把鬼?話佢哋舊年投白票甚至翻03年《廿三條》舊賬話佢哋反骨信唔過,要怪就怪中共沒提供比民建聯更多的好處過佢哋,仲未能夠使佢哋可以埋沒良心做嘢!
第三、四梯隊更是形影繪聲而已,若說坊間見著舉「港英旗」、論著英國管治年代如何美好的就是的話..... 如果一些旗幟、一堆字就成威脅,共產黨簡直不堪一擊,執柒咗佢啦!
文章結尾仍是說着英國仍有勢力威脅中共在港管治云云,如果睇清楚香港社會民情的真相,只有吳康民呢啲媚共走狗先會錯判形勢或者迴避事實......簡明而言:死蠢!

呢班土共望住香港坊間充斥一股「人心歸英」嘅「氣場」條氣就唔順架啦。但叫得做「土共」個腦入面來來去去唔係「大家都是中國人」「香港係中國領土」之類民族主義上腦嘅思想之外,就係鬧「英國殖民走狗」;又或者吳康民一文不過中共習慣姓賴嘅思維「外國勢力」成為「人心歸英」合理推斷。望住近年來港中矛盾氣氛、市民對特區以至中央的不滿,呢啲諗法根本就用錯角度,只會於事無補。香港人心中的想法根本簡單直接 ── 97前即使只係打份工,個個月都有錢剩,可以儲蓄起來成家立業;依家十居其九都係「月光族」。再望著自己「朝七晚十二」捱生捱死到頭來不單止加薪5%老細當俾乞兒,想買樓又俾大陸人炒到天價,甚至成日有評論批評「呢班人唔肯上進、唔肯捱」...... 咁環境有邊個唔會話「英國佬年代好」先?

共產黨啲官十個有九個都唔滿足於配偶、又或者係「小農基因」而娶,因而包二奶三奶四奶,點解香港人唔可以懷緬英國佬年代嘅豐足生活?吳康民等共匪走狗一日到黑都係話「外國勢力」......依家啲社會問題英國佬留低架?
集體談判權英國佬廢除架?共產黨傀儡嘅臨立會搞架!
2004年廢除租務管制,結果係「租屋唔安穩」成為港女迫毒男買樓先結婚嘅藉口;又減建公屋停建居屋。英國佬搞到香港人住都成問題架?
自由行、大幅輸入大陸學生,以及近年的雙非孕婦、搶奶粉.....全撚部都係中.國.共.產.黨和在港一眾媚共政客走狗一手造成的問題,如今卻向英國賴賬、批評港人戀英眷殖?吳康民快啲去青山攞籌啦!

咪話我唔提醒中共,繼續呢啲思維看待香港社會的氣氛和形勢,甚至繼續呢啲打罵甚至動刀動槍嘅態度,必定「阿崩叫狗,越叫越走」的結果。今次四川地震連師奶都話「唔撚捐」已經係一個嚴重警告訊號。但共匪嘅邏輯只會識高壓極權手段回應港人,越見港人的「離心」就越打壓,最終保證返唔到轉頭!精精地就收手,唔好再賴人!

(扮清廉嘅胡錦濤、溫家寶,連老豆都打嘅薄熙來應該只會覺得「係香港錯,所以要教訓香港」堅持要香港墊屍底,睇清楚《中共已向香港宣戰》,你哋玩唔起呀!)

返回主頁

沒有留言: