__

__

還有廿四小時.....

馬來西亞第十三屆大選明早就會展開, 約1340萬合資格選民投票選出222個國會議席與及12個州共505個議席。投票將在傍晚5:00結束, 預計午夜陸續會公佈結果。今晚有好幾個最後民調結果公佈, 整體而言雙方仍處於拉鋸狀態而民聯稍佔上風。但如果參考上屆全國得票比例 國陣:民聯 = 50.3:46.7, 民聯上台的機會還是存在的。24小時後就知道遠東地區可會再有一個國家體現民主制度出現政黨輪替。

連月來共撰寫五篇有關今次選舉的文章, 並且在我的Facebook Page 分享了唔少新聞資訊。或者好多人還是認為「理咁多其他地方嘅事做乜吖, 理掂香港先啦」, 又或者會係「係你呢個馬拉仔先咁在意嘅姐, 咁鍾意就返馬來西亞住囉」。早在四月初我就表示我的身份背景只不過使我比較容易了解到有關事情,國際視野有助分析香港社會狀況。而且多篇文章都證明咗馬國的情況同香港很相似, 既然如此, 跟進得緊貼一些又有何問題呢?!

如果今次馬來西亞變天的話, 可想像到人民(尤其是華人及基層馬來人)半世紀以來的「冤屈」終可吐出來的景象會是如何呢? 正如港人需要更多國際視野刺激一下思維, 或者感受當中的氣氛, 其實很不錯。正如台灣選舉時好多「社運友」也樂於談論, 網上分享傳閱的帖子也不少吧。我和一些對馬來西亞有較多認識的朋友所做的, 其實也就沒有甚麼問題。正如今日《蘋果日報》梁文道的專欄題為〈正義沒有國籍〉論到「對如此荒謬,如此不義的現象,我們下一個基於良知的判斷,還需要考慮多少國籍的問題呢?當年大家抗議南非種族隔離、支持昂山素姬和劉曉波的時候,又用得着擔心這是哪一個國家的家事嗎?」

隨著近年探究南洋政治及歷史的過程中也發現自己的「身世由來」, 觀察今次大選或多或少都有投進個人感情在當中, 這點我是要勇於承認的。正如我就算唔睇民調都知道, 民聯絕不可能在砂朥越州取得州份議席的大多數, 但我還是會給老家的作出呼籲:Sarawak 係值得有更好的生活。就如一個有良知的人也會希望民聯上台掃除腐敗, 只是我的身份背景, 就讓別人有更多的放冷箭的理由。


選前最後一個個人分析及預計:
城市選區, 有學識的, 中產階層, 會習慣上網睇新聞的, 普遍都支持民聯
鄉下選區, 無乜讀過書的, 農民草根階層, 只睇電視同《星洲》的, 普遍都支持國陣
其實, 馬來西亞同香港情況都係一鳩樣:前者支持泛民, 後者支持民建聯
又其實, 馬來西亞人以前同香港人依家都係一鳩樣:只顧「食飯、疴屎、瞓覺、生仔」「政府係咁架啦, 做乜都無用架啦, 有得食就食啦」

但馬來西亞人民終於覺醒過來, 縱未知輸贏, 但由去年年底至今天, 甚至追溯到Bersih 1.0開始, 已經打出一場漂亮的仗, 起碼向香港人做咗示範 --> 醒覺咗, 係會有機會有更好的日子。或最低限度, 丘光耀嘅仆街冚家鏟、林莉幃嘅靚靚相、人數以萬計的選舉集會照片、影片, 都吸引到一些香港人留意。
無論如何, 明天晚上就會知道結果, 就期待和尊重馬來西亞人民以選票決定國家未來五年的路向。但我依然堅定支持
人民聯盟, 改朝換代, 告別腐敗
Ubah! Ini Kalilah!



返回主頁

沒有留言: