__

__

巫統打算重演5.13

國陣勝出大選後, 納吉就積極發揮「一朝得志、語無倫次」精神, 指民聯在選舉過程是志在搞「華裔政治海嘯」, 不過行動黨秘書長林冠英已經將佢秒殺



回顧歷史, 巫統亦係以「馬來人優先」起家, 靠分化巫、華兩族坐大。但今次選舉結果將有可能導致內閣無華人。從正常角度而言, 看著今次華人選民嘅取態傾向民聯, 阿JIB哥唔驚就假;但响「仆街」嘅角度去睇, 今次選情正是反映Bersih 運動導致跨種族公民意式抬頭、巫華關係得到改善產生效果, 亦可以肯定係今次大選嘅形勢威脅國陣巫統的主要因由, 長遠而言都係對巫統相當不利。但如果能再次成功挑起種族不和, 甚至時光倒流去返1969-5-13 嘅境地的話, 咁就對納吉、馬哈迪為首嘅貪污犯罪集團做成有利局面, 因為佢哋個腦諗住嘅係, 只要巫華關係再次陷入緊張就會有利。

所以Bersih 呼籲華人盡快向回教黨作出慰問, 馬來人亦要向華人表示支持, 呢個係再一次發揮公民社會不分族裔嘅最佳方法。況且我尋晚收到嘅消息指, 停電發生嘅選區除咗係鄉郊之外, 就係民聯由回教黨出選嘅選區。

不過, 我覺得最好笑、兼最值得恥笑嘅係咸濕佬馬華公會蔡細歷講埋種族不和一份。以巫統見住華人群體一面倒流向民聯, 已經知道留你馬華公會响度只係嘥米飯。蔡CD所為就好似一個古惑仔幫大佬走粉衰咗, 依家個大佬唔要佢就响面前講盡擦鞋說話, 希望有返條好少少嘅路行。

馬華公會面臨崩潰正好反映住近五十年嚟, 打著為華人爭權益旗號, 實際只係借此向巫統攞著數自肥, 圖私利落得仆街收場。香港有邊個政團做緊類似嘅嘢, 大家心中有數好了

返回主頁

沒有留言: