__

__

六四仲拗乜鬼

由支聯會提出嗰句膠到連丁子霖都話頂唔順嘅口號開始, 所謂本土派、城邦派、大中華膠日日係咁互劈, 我係香港人都覺得「好撚煩呀你哋班仆街」, 所以我响5月22日《蘋果日報》撰文之後都無再出過聲。更是三個派別嘅立論 (唔計啲硬膠觀點)根本係大纜都扯唔埋, 尤其是本土派 (特別持有「港獨」思想的一群)vs 大中華膠對國家、族群嘅觀念上根本無可能有共同點, 拗嚟做乜?!

客觀去睇啲爭拗點, 支聯會/大中華膠真係有啲嘢講唔過去, 尤其是點解要將「六四悼念」變成一個所謂「建設民主中國」運動嘅平台, 甚至正如城邦派攻擊重點 ── 將香港嘅政制發展同中國嘅民主化作綑綁處理。呢個亦係本土派今年發難嘅最大理據。
本土派嘅睇法是八九六四北京大屠殺是一場人類浩劫, 去作紀念活動, 為他們作出追悼可算是必須的, 就如悼念南京大屠殺、南韓5.18光州事件、台灣2.28、馬來西亞5.13暴亂、新加坡7.21騷亂一樣。中共仲未「埋單找數」而要向不義事情進行聲討也是需要。但對應支聯會/大中華膠嘅想法:


  • 會唔會話要將「消除日本軍國主義」變成香港嘅必要責任吖?
  • 莫講話「打倒國民黨」唔駛旨意會有人嗌, 「讉責國民黨暴行」咁多年來都未有聽過啦!
  • 唔好話有無對5.13 或 7.21有悼念活動, 有無話要對背後嘅民族/種族主義作出反思? 又或者有無話香港有唔少南洋人而要將「建設民主大馬、新加坡」成為標語口號吖?
但唔妥支聯會嘅手法、方式、內容等等係一回事,即使打算去維園, 都可以對台上嘅疴屎唔出哭哭啼啼WHO FUCKING CARES;唔去亦可以採取其他方法, 甚至唔參與任何悼念/紀念活動亦無乜大不了, 但絕對唔應該四個大字關人忍事, 否定悼念活動絕對是非人性所為!
所謂「本土 VS 大中華」嘅爭拗, 特別係對應「建設民主中國」呢個觀點其實拗咗好耐, 我曾經提出兩點有接近兩年時間:

  • 點解「毗鄰中華人民共和國嘅黃皮膚黑頭髮」就是中國人, 咁百幾二百年前遷居到南洋、舊金山嘅黃皮膚黑頭髮係唔係中國人先?
  • 點解「香港嘅中國人」就要「建設民主中國」、或者唔認同呢個需要嘅就係大逆不道, 但點解唔駛百幾二百年前遷居到南洋、舊金山嘅黃皮膚黑頭髮都要去「建設民主中國」?

當然無人回應過, 又或只係以「國民黨特色中史教學」對「鴉片戰爭」的詮釋嚟引證香港嘅「責任」然後就明示或暗示因為地理上香港與中國相連。但這說得通就唔會到今日都仲有得拗啦。但講到尾就如開頭所指國家、族群嘅觀念南轅北轍, 大中華膠總認為本土派係唔合理的, 本土派會話大中華膠係牛皮燈籠。

所以拗嚟托柒呀, 依家最緊張人數嗰個叫中國共產黨。SO去唔去維園完全個人決定, 唔好再又睇到鳩咁撚大。

延伸閱讀
六四晚會, 仲去嚟做乜

返回主頁

沒有留言: