__

__

衝上雲霄快啲腰斬

今晚開完個會, 有「機膠」朋友話想睇, 咁就特登搵咗間有電視嘅餐廳嚟睇
結果我同呢位「機膠」朋友都港女、港太上身 --> 一邊睇一邊鬧。因為太多穿崩位, 甚至有啲穿崩响現實中係危及飛行安全, 根本無可能出現

  • 攞多2噸油做後備 -- 然後話 FULL TANK LANDING 好危險??? 飛咗幾千里仲Full Tank??? 咪玩啦!!!!
    做Flight planning 一定要預留一定比例的後備燃料, 以便當地有突發情況而未能預期降落之用, 例如「mis-approach」(即係降落失敗復飛) 或者 reroute due incident cause (因突發情況要轉改飛其他機場) 。以劇中所指嘅HKG/LGW (香港 - 倫敦吉域) 飛行時間13個鐘, 兩噸spare真係基本, 如果Loading 許可 (客/貨無上滿) , 加到五噸都可能。始終幾千里外變化可以好大
  • 未能降落轉去伯明翰機場, 簡直荒謬。BHX 目前只得一條長2605米嘅跑道, 最大只可以用737, 320。劇情係飛緊330, 製造空難乎?! A380 單嘢,一次咁大把架咋。跑道擴建計劃預計到2014年先搞掂呀
    正常嚟講, Bad weather reroute 一係 Manchester 一係 Paris Charles De Gaulle
  • Captain announcement 準備降落之後, 空姐check 晒所有人扣好安全帶,開晒窗擋之後, 無人可以起身, 話知你屎急都只能焗住賴。但竟然可以成機人起身, 仲要影相???
  • 仲有穿過雲層有彩虹又如何, 況且現實根本無可能,機長會咁樣廣播內容?空組同架駛室Intercom 嘅對話會咁打情罵俏式?落地即炒啦!
就算撇開呢啲Aviation Operations 嘅事, 你搵到架330 嘅 cockpit 可以坐四個人嘅俾我睇!Landed 然後响駕駛室開party 玩cream?又係可以即炒!

其實贊助拍打飛機嘅「香港航空」根本就唔能話係香港嘅航空公司, 只係一間由共匪擁有, 掛香港「羊頭」賣大陸式管理同服務嘅「狗肉」公司
點解會有呢間公司出現,好大程度上係政治考慮,就係要以共匪治區嘅經營手段,將「香港」污名化。所以點解共匪資本收購咗「港聯航空」之後要改名做「香港快運」, 同埋「海南航空集團」响香港註冊間公司之後, 個名要用「香港」而唔係其他名稱,甚至賣廣告嘅Slogan「香港人嘅航空公司」。就係將大陸嘅劣質經營手段, 引發大量服務質素有關嘅問題出嚟, 然後使好多糊里糊塗嘅人 (不論中外) 睇見香港落後中

何謂「大陸嘅劣質經營手段」 ?? 
HX, UO 最出名嘅一個情況, 就係瘋狂DELAY。其實係源於編排飛機飛行時間表時 / 航班時間表時, 無為每隻飛機降落後預留合理而足夠嘅緩衝時間, 結果就搞到朝早DELAY 15分鐘, 到晏晝就DELAY 半個鐘, 一路累積落去...... 去到夜晚嘅班機經常DELAY 逾一小時, 然後就影響到第二日嘅班機。呢個情況係共匪治區先會咁, 加上「兩成空域民用、八成作軍事用」形成嘅樽頸效應, 所以DELAY 無日無之兼「越夜越精彩」

問過啲航空業朋友, HX 請人「出手」比其他公司低。响所謂「你出幾多錢就請到乜嘢人」嘅反射條件下, 再加上啲共匪式管理手法, 啲痴線規矩, 例如EYE SHADOW 指定兩隻色、胭脂又係指定顏色, 但無可能買到Exactly the same, 偏少少就WARNING LETTER;或者「毒男」鍾情嘅「黑絲」厚咗啲 / 薄咗啲又收信
咁嘅條件下, 邊有可能有好嘅服務吖!

套劇第一集已經膠到無朋友, 目的又係同師奶洗腦簡直不言而喻。為嘅當然就係統戰手段啦!
所以我期望會係 "輪流轉" 事件再現 --> 腰斬

返回主頁

3 則留言:

Ricky 說...

保險索償成日都見到國航同港航, 賠到個個都怕怕

Mario 說...

傻的嗎,根本冇可能咁易腰斬

Jacky Lim 林鴻達 說...

重點不是有無可能, 而係要指出套劇爛到係要腰斬