__

__

中產們, 想走呀?

尋日七一遊行,唔知你係咪43萬嘅一份子?!

因為天雨,不能單以人數衡量今年民情。不過因為尖碼巴總擺咗四年街站(今年第五年了)而能定點觀察進行比較,今年迫人過舊年,舊年街站張枱還可擺放於第一條行車線但今年只能在行人路上;遊行早了半小時出發,而龍尾比去年遲了一小時多才通過,即係點都多人過舊年,估計兩成至三成。

七一遊行再次成為香港政治運動之重點,必然同呢幾年香港社會亂七八糟有關。自從天星皇后高鐵觸動到唔少人出現政治覺醒,加埋共匪蝗蟲來港產卵搶床位、搶奶粉尿片甚至衛生巾,更是觸動所為中產階層的神經。不過,仍然有唔少人維持政治冷感狀態,對社會上所發生的事不聞不問,甚至堅守政治潔癖為傲嘅本質,對關注社會議題嘅人視之為「核幅射」敬而遠之。

或者正如殺破狼兄的《上岸》一文所指,唔少中產覺得自己有樓有老婆有仔女,就其他嘢都無關痛癢可有可無,但又覺得自己好似高人一等,種種小農基因撈埋一齊之下,就對好多對社會事務挺身而出嘅人睇唔順眼,因而成為香港社會變革的最大阻力。其實根源問題,係佢哋同共匪治區嘅暴發戶有接近甚至相同嘅價值觀,就是認為有錢乜都得,香港冧檔咪走去得二度囉。《這些年來,你過得好嗎》講述「過渡期」的離別,當年最多港人移民的就是加拿大,貪其審批比美國、澳洲略寬鬆,加上「移民監」「有位走盞」(具體不講了),於是依家好多SO-CALLED 中產認為可以跟隨呢批1980'S - 1997遠走他方嘅前人的路。

當年以「技術移民」過去的大有人在。記憶當中,醫護人員和工程師移民部門會給予較高分數。但响共匪管治之下嘅「知識形經濟」「金融服務業」可以做中產嘅,應該無你份架啦,唔信邪就去Canada Skilled Worker Immigration 嗰度有個 Find out if you qualify 計下分吧。另一種遠走加拿大嘅方法就係投資移民,當年嘅中產過唔到「技術移民」一關就睇下賣晒啲股票、物業......套現出嚟夠唔夠數,夠的話就馬上搵地產放盤然後就跑去加拿大領使館申請。但依家加拿大政府要求的銀碼......


97前最多香港人過去嘅Ontario (多倫多所在嘅省)要求300萬加紙,折算大約HKD2200萬港元;溫哥華 (即係British Columbia: Vancouver & Abbotsford) 合計要 120萬加元,折算接近900萬港紙。已比多倫多便宜了。都係攞唔出..... 可以考慮下北極圈嘅 Yukon Territories ,要求只係40萬加元,即300萬港幣,但過到去你真係食西北風都得!

順帶一提,Ontario 之所以「炒」到咁貴,又係「血濃於水嘅同胞」導致!佢哋實在太多錢,亦太希望逃離「偉大的祖國」,不過「港中矛盾」下發生嘅問題响當地同樣存在。

小弟咁多年嚟都係主要留意加拿大嘅移民政策,至於其他國家,抱歉地我的確沒有跟開,但只係知道美國審批要求是最嚴格、澳洲嘅「移民監」就請不要有任何入藉前嘅離境打算!

想走呀?計清楚條數先啦,到頭來你應該發現,你只有留响香港繼續俾共匪折磨的一條路!

返回主頁

沒有留言: