__

__

新加坡國慶

小弟趁今日係新加坡48周年國慶, 响《蘋果日報》撰文抽水




事關港人普遍對新加坡嘅政局發展無甚認識, 繼而就政客們人云亦云。可是不論香港甚至中共, 對新加坡的政治狀況也是一知半解 (小弟都唔係好叻, 只因南洋背景容易啲明咁解) , 或者係借坊間的不了解肆意斷章取義曲解達到其政治好處;另一方面, 近年港中矛盾之下, 大一統膠也在曲解或迴避新加坡係一個主權獨立嘅國家的情況:
  1. 佢哋會成日會強調新加坡响政治、社會人文交流仍受馬來西亞嘅影響。甚至借新加坡食水問題仍受制於馬來西亞, 將「國家太細仍受周邊威脅」之論作合理化詮釋
  2. 佢哋強調「新加坡係被迫獨立」, 迴避獨立之後嘅社會同經濟發展比馬來西亞更好的事實
  3. 佢哋會強調李光耀本身都係「統派」呢個事實, 迴避獨立之後李光耀如何為求唔想衰俾巫統睇而响新加坡所做嘅一切
至於共匪就更加唔駛講佢哋玩啲乜, 但有幾個迴避/曲解嘅重點要拎出嚟:
  1. 佢哋好喜歡借李光耀嘅強橫來合理化專制政權的所謂優勝之處, 但李光耀真係獨裁又使乜要新加坡國會和Town Council 都係民主選舉產生, 甚至為求避免選舉舞弊而實施強制投票
  2. 佢哋好認同李光耀控制傳媒嘅想法, 但不提1971年華文報禁事件嘅一啲因由
  3. 迴避討論李光耀嘅強硬背後嘅一啲心法。李光耀面對被驅逐, 覺得辜負咗新加坡人民, 於是將新加坡前路發展嘅責任攬晒上身
  4. 佢哋認為李光耀打壓反對派嘅做法是值得推崇, 甚至成為「一黨專政」作合理詮釋嘅理據。不提工人黨的存在和過去係點做嘢硬膠所以一直發展唔上去, 又或者係華人嘅心態 (即係小農奴隸DNA) 衍生出不利反對派發展嘅因素
其實呢啲斷章取義嘅論點 (BOTH 大一統膠 AND 共匪) 係好危險, 甚至危害當下香港嘅局勢發展, 有必要向港人梳理一下。

順帶一提, 民主黨日前表示「特首選舉只要泛民能入閘」就會接受, 憨鳩之餘更反映佢哋根本只在計算個人或黨團的私利。班老鴿三十年前已懂民主卻不仿傚新加坡响1962年公投, 以民主方式處理香港前途, 只顧個人嘅民族大義上撚晒腦, 已經害死香港一次;如今又再嚟一次自私自利嘅表現, 再害多一次香港?

我响7月19日《蘋果日報》的〈反思民主回歸〉已經指出佢哋嘅責任, Q爺黎則奮尋日篇〈看警隊公安化 一葉知秋〉已經為民主回歸論承認責任, 司徒華班o靚仲想匿到幾時呀?? 你哋班老鴿都係早日歸西啦!

返回主頁

沒有留言: