__

__

香港已進入兵林城下的局面

電視牌照事件引發的民情其實已到大爆發邊緣,前一篇《電視風雲已成政治核彈》 已作分析,但其中一點要留意的
《主場新聞》網站發佈數十張遮蔽了相片等個人資料的證件的照片表態支持香港電視。這些證件除了傳媒和學術機構之外,更有醫管局、公務員 (其中一張更是「政府資訊科技總監辦公室」),甚至所有紀律部隊的職員證也有出現。
即係話,公務員體系响HKTV發牌事件上面,立場唔係對立都有完全分歧。六八九已經無法駕馭公務員同維持政府嘅運作。

說時遲那時快,公務員體系已經因為其自身利益問題開始發難
《蘋果日報》2012-10-29
1. 紀律部隊促增公屋額
2. 不滿女指揮官高壓管理 逾20入境處人員集體告假 深圳灣「兵變」累萬人滯邊境
3. 香港電台 2013-10-29 HKT 18:02 屋 宇 署 技 術 測 量 員 工 罷 工 抗 議 人 手 不 足

先講第一單。一直以嚟,投考紀律部隊嘅人其中一個心態, 就係貪有宿舍、退咗休有公屋,「打斷腳都唔駛擔心住嘅問題」。
位於飛鵝山巒,紀律部隊圈子稱為「順利豪庭」嘅
順利紀律部隊宿舍
common creative from Wikipedia
如今宿舍不單短缺而人人等到頸都長而滿肚怨言,甚至好多舊有宿舍政府也將之拆掉然後把土地賣給地產商。遠嘅就有尖沙咀警察宿舍變咗長實嘅港景峯、黃大仙宿舍變咗嘉里嘅現崇山、天光道就變咗長實嘅半山壹號;近嘅就有高山道海關宿舍响2011年以15億賣咗俾南豐為首嘅財團。而呢一啲交易可以話體現2008年兩份審計報告「批評政府產業署浪費响市區優質位置的政府設施, 認為應該遷走並納入土地儲備, 增加賣地及地產相關收益」。
响呢個反射條件下,紀律部隊宿舍短缺問題根本無可能解決,甚至「順利豪庭」呢類位於非常值錢地點嘅宿舍都隨時有「生命危險」。退休後嘅公屋單位同樣唔夠供應,即係話打爛晒紀律部隊員工嘅如意算盤,如今講出嚟講兩句算係好俾面咁發出警告訊號。

而第二單不單係一個嚴重警告訊號,更是將目前紀律部隊人手不足和管理、編制混亂問題曝露於市民面前。而且入境處呢一次行動主要影響嘅就係引起民怨沖天嘅「自由行」而本港居民大多使用E道而沒怎受到影響,甚有法國佬罷工嘅手法 ── 地鐵 / 巴士罷工係工照返但唔收錢,既能向資方施壓又能贏盡民間掌聲。

至於第三單所反映住的,就是政府內部的不滿已出現於文職體系,即係話危機正在漫延。

與此同時,還另一單與電視發牌相關的新聞 ── 《蘋果日報》2013-10-28 22:45 謝志堅李瀅銓政總撐留守10壯士
兩批最不滿政府、最能引起坊間共鳴嘅苦主走在一起,就是一個嚴重警告訊號,就是當民間覺知問題有共同的針對目標,都可以連成一線。

這就要召來受到萬千港人尊敬嘅梅姐出嚟

返回主頁

沒有留言: