__

__

未學行先學走?

掛上「時事評論員」牌頭於報紙撰文議論時政都接近一年,這個要先多謝李怡呢位前輩响舊年年尾無聲無息地給予呢個機會,與及今年四月接任論壇版「睇場」的副社長林平衡响我「嘈兩嘈」之後再加力提拔小弟。

在此順帶講返,當日嘅「嘈」,了解過之後其實係一場對林前輩嘅大誤會,當時他正在摸索調整版面嘅路向;另外,絕非個別人士想著因為我「夠膽發惡」而能增加產量。事實上,過去大半年都有相當數量文章被投籃,只是越寫越熟練同掌握到方向,才多了刊登次數。有必要以正視聽。亦因為這個機遇,連上NOW 都能以這「獨立身份」出現。所以話我扮晒謙虛都要多謝呢兩位資深傳媒人,與及年多前夠膽搵我呢個無人識嘅人上去NOW 的羅樹基和張君熙。


不過,報刊的「地盤」仍僅集中在《蘋果日報》,的確是我的局限,這點我要承認。乘著馬來西亞大選,有機會接觸當地傳媒,事情就後來發展到《東方日報》(大馬嗰間,唔係大埔工業村嗰間)可以適時提供版位予小弟,開拓了第一個海外「地盤」。又因為在《蘋果日報》寫過兩篇有關新加坡的文章,新加坡 MediaCorp 留意到,接受Channel 8《焦點》(類似《新聞透視》嘅節目)訪問之後,就出現了第二個海外「地盤」。


有朋友私下同我講「香港都未站穩陣腳,咁快就跑出去,怕唔怕呀?」
坦白講,你估我無擔心呢個問題咩!
我顧慮嘅唔單止係個人嘅基礎建立嘅問題,更有可能係予人一種「未學行先學走」觀感嘅問題
但...... 你估我想嘅架。

試過向其他報社叩門,就算只是因應當時社會議題一篇過「試陣」投稿,全部都石沉大海。試過搵到contact person了解何事,就是一句「唔適合」然後乜事都無發生過。有些的事後得知,原因就是「悉尼老鼠」,根本篇文睇都無睇過 (even 係接近2500字嘅完整分析) 扔手就掉。可會是「人治文化」下講關係,難免感到欲蓋彌彰。

而馬來西亞大選俾我嘅啟示,就係原來海外欄位的輿論作用, 雖然未必多但總有一點,所以Channel 8訪問之後而有嘅機會也好作掌握,希望善用呢啲海外地盤。

當然的,人在香港,還是希望可以「擴充版圖」,始終最能產生輿論作用,不過現實如此,只期望守住陣地。可惜自從《爽報》停刊之後,不知壹傳媒入面發生甚麼變化,最近投籃比例再次大幅攀升,這個情況我當然在自我檢討;但日前一篇被刪減內容得支離破碎 (可看刊出的與原裝版本作比較),就真係搲爆頭都不明所以。

所以,好多嘢真係並非我想未學行先學走,只係為勢所迫.....

延伸閱讀
埋單計數:《蘋果》論壇版「改革」疑點

返回主頁

沒有留言: