__

__

男人的煩惱

男人渴望找個怎麼樣的女人做女朋友以至老婆?近期有話肯捱快餐的女人是最好的目標,但我認為唔係。細心諗下,肯同你捱快餐又如何,就算佢心中沒有埋怨,但到頭來只係一齊入到快餐店,佢講低要食乜嘢,甚至俾埋錢你,然後去搵位等你,最後就只係食飽就走人,兩個人之間無甚交流,呢個畫面又係你想要的嗎?

「男人既自大又自卑」其實都只係講啱一半。無錯,人生總有高低潮,如果一個女人肯同你渡過人低嘅低谷,多少都會覺得「佢真係一個唔錯嘅女人,肯同自己捱」。但男人(或者女人都係) 總會希望重新走上人生嘅高峰,但努力嘅過程當中嘅心路歷程,因為總有好多未知之數而充滿不安,又或者遇上重重嘅困難,感到低處未算低。而人性本質總渴望响呢個時候,得到身邊嗰個支持同鼓勵,但男人往往又會諗住「我係男人嚟架,點可以俾個女人睇小」,但其實係唔想身邊嗰個一齊憂心,更可能係「唔應該要身邊嗰個一齊去負擔」,一種面子尤關的思想,所以唔多出聲。但好可惜,女人天生總好似有一種母性嘅本能,又或者係一種渴望安全感的心態之下,結果唔係阿媽式囉囉嗦嗦的關心,就更可能係「同你講都係想你好」責難式的鼓勵。男人覺得失去尊嚴,甚至會諗「點解佢總係唔明白我嘅呢」,搞到個男人覺得煩厭,之後更加唔想同個女人講嘢。關係出現裂痕,甚至出現第三者,往往就係接續呢個場面發生。

呢種情景可會就是你/妳當前的感情或婚姻關係的跡象、甚至係已經發生?

男人在感情關係上所期望的,可能只係一個能夠同自己心領神會的女人。何謂心神領會? 就如低潮時,會像是兄弟級老友般的跟他一起支撐局面;相對地,在人生高峰時也不會杞人憂天。但我覺得,最重要的,還是兩人之間的互相了解、信任和尊重,始終每人的性格都有不同。而要了解,唔係唱著王菲的《你快樂所以我快樂》,而係要懂得逆地而處,唔好諗住自己想點、所需要的看待男人的想法。當然的,男人老狗都要咁嘅態度看待你的女伴。

唔好話食快餐,就算食餐好嘅
但各有各食毫無交流,這種關係情況是你想要的嗎?!
延伸閱讀
2013-11-5 AM730 彭晴 - 中女萬歲 《好細樽玻璃鹽》

返回主頁

沒有留言: