__

__

做女人難...... 做男人咪一樣咁難

彭晴响AM730嘅「中女萬歲」專欄,越嚟越睇得過癮,即所謂我哋寫開嘢嘅人所講「越嚟越有火」。
10月17日呢篇《做女人難真的很難,你睇……》,我Share 出去引發身邊唔少朋友的笑彈,但當然可能係笑中有淚吧。

佢講女人,不其然我就想講下男人相類似情況:


男人長相俊俏:姑爺仔
男人長相不俊:內涵重要啲......
男人長得高:高佬、電燈柱
男人長得不高:矮仔
男人長得不高而且豐厚身形:蕃薯
身形瘦削:病壞書生
肥的男人:肥佬
廋的男人:鋼條
眼大的男人:成日想殺人咁款
眼細的男人:成隻老鼠咁
膚色深的男人:黑古勒凸
膚色淺的男人:小白臉
有肚腩的男人:啤酒肚、懶做運動
有腹肌的男人:唔駛做呀日日操、你估你係明星
喜歡襯衫的男人:懶係型
不善衣著打扮的男人:呢啡
愛著深色衫的男人:老土
愛著鮮色衫的男人:姣屍扽篤、死基佬
會用護膚品的男人:姿整
清水洗面的男人:懶鬼
愛說話的男人:吹水唔抹咀
不愛說話的男人:悶
自信的男人:懶係型
自信不足的男人:你係咪男人嚟架
觀感「醒目」的男人:世界仔
觀感「木獨」的男人:碌葛
無女朋友的男人:麻甩佬、毒男
有女朋友的男人:俾條女夾實無晒自由
事業型的男人:掛住做
浪漫型的男人:唔駛做呀? 浪漫要使錢架
早結婚的男人:搞出人命負責呀?
遲結婚而娶妙齡少女的男人:貪人後生
遲結婚而娶年齡相近女友的男人:你浪費人哋青春
遲遲唔結婚的男人:挑剔、揀飲擇食
鍾意望女仔的男人:猥瑣佬
唔鍾意望女仔的男人:你係咪基架
結咗婚無生仔的男人:你唔得架
結咗婚生幾個細路的男人:豬公
留長髮的男人:長毛飛
禿頭的男人:地中海
禿頭而「冚蓋」的男人:逃避現實
說話豪爽的男人:無分寸、唔經大腦
說話思前想後的男人:優柔寡斷
經常陪伴女人的男人:好得閒呀?
不經常陪伙女人的男人:佢係你女朋友嚟架?!
愛玩的男人:爛滾、食家
讀書多的男人:讀死書
有主見的男人:專制
事事聽從女人的男人:太監
享受性愛的男人:咸濕佬、淫蟲
昅實女人的男人:獄卒
給另一半自由的男人:小心老公出去勾佬
老婆講乜都信的男人:無腦
老婆乜都支持的男人:佢唔識同你相量

都係嗰句:你點做都俾人講架啦, 何不做返自己唧!


返回主頁

沒有留言: