__

__

中共欲侵佔香港已急到賴

饒匪戈平日前對「廿三條」的言論,甚至提出將中共的國家安全法在香港「試用」

點擊截圖觀看now 新聞台報導

好多人都大吃大驚,或從法律角度批評是違反基本法規定,包括曾鈺成以《附件三》指不符合基本法條文,是無可能實施的。饒匪亦好強調「只係法律學者交流得出的意見,並非中央的意思」。但正如我經常在Facebook 指出,共匪的一言一行不能單從表面去理解,背後一定暗藏意思,即是所謂Hidden Agenda。

呢件事背後藏住有四個意思:
第一,正如之前有在《蘋果日報》撰寫過的文章,參照西藏歷史,由「十七條條約」到正式揮軍解放西藏前後八年唔到,但香港「回歸」咗超過十六年仍然未如澳門般「歸順」,已超出容忍限度,要盡快將香港「解放」過來。
實施「廿三條」正是其中一個體現,所以絕對係689「四大任務」之一。但共匪睇見香港當下的民情,軟硬兼施威迫利誘,但可惜所謂的軟功,例如自由行、擴大CEPA 項目之類所謂「恩賜」換來的相反的效果;硬功的就如饒匪呢類文攻武嚇,結果當然係阿崩叫狗。
以共匪只係識得發惡嘅特質,當然係將怒氣升級。出自饒匪把口嘅呢個方案,就是「升級」而來的。

第二,中共嘅另一個本質,就係「功就領導領,鑊就啲狗孭」,共匪本身唔係唔知香港人對其反感,但只懂如黑社會般發惡嘅手段,要向港人發惡就梗係搵啲「爛頭卒」嚟做吧。國安法背後就是習匪近平創辦出嚟嘅國家安全委員會。即係話成件事邊個係幕後策動人已經呼之欲出。

第三,習匪近平之所以想咁做,一方面係胡匪錦濤當年解放西藏之「功績」,佢想與之在黨內齊名。另一方面係共匪治區內嘅屁民不滿香港充斥「特權」(例如港幣、繁體字、粵語、特區護照等等)嘅情緒越趨升溫,習匪咁做要向人民交代。更重要嘅係由江匪澤民到胡匪,都未有擺未呢啲「特權」。如果習匪成功的話,可以响人民面前作威作福。並以「成功解放香港」壓服激烈嘅派系鬥爭。即係話,香港係中共嘅權鬥之下被擺上神枱。

第四,共匪治區經濟崩盤在即,而共匪透過CEPA、人民幣交易中心、自由行、投資移民...... 响香港窩藏大量貪贓得來的資產。共匪們的想法就要侵佔香港而奪取控制權才能保住自己嗰份家產,又同時能消滅其他派系嘅財產。習匪近平目前在名義上手執兵權,表面佔有優勢。但江派上海幫、胡匪團派、薄匪毛派等都各自在香港安插了人馬。鬥爭局面非常激烈。習匪於是試圖以表面的兵權和管治權去搶奪香港的控制權。這應該係最重要的一點。

由此可見,一切都可以話係習匪近平的所作所為。但689只是習匪對薄匪採取的權宜之物,又怎會完全聽命受指揮。這也解釋到共匪方面越來越多人出來對香港的政事指手劃腳。
而根據The Telegraph 今日的分析評論,中共經濟爆煲已成定局,警告港人小心中共藉入侵香港財金體系抽水自保。這篇評論亦可以話踢爆共匪。試問視財如命嘅共匪,又點會唔緊張要搶奪香港的控制權以保家財,今次饒匪戈平做爛頭卒正好反映共匪已經急到賴,未來對侵佔香港的態度和手法只會越趨強硬。大家小心注意,唔好再以為「大國堀起」「中國經濟冧檔是笑話」。

延伸閱讀
由西藏歷史看香港
暴動可能性

返回主頁

沒有留言: