__

__

所謂「愛家」,都係小農DNA發作

「愛爸媽愛我家」遊行,美其名「守護傳統家庭觀念」,強調一男一女一夫一妻的「傳統」,實際是針對同性戀人士抗衡跨性別平權。



但必須要看清楚,當前爭取同志、跨性別人士反歧視,只不過係去爭取生活保障有關嘅平權,尤其是工作同住屋方面,唔會因其性取向而喪失呢啲基本生存需要。但該場有大量耶撚參與的遊行運動,除了講乜膠捍衛傳統家庭價值,又話要爭取保障逆向歧視嘅權利。

讀下歐洲史,尤其是神聖羅馬帝國的一段,就知班耶撚只係重覆緊當時迫害啲非耶教信徒一樣,要同志、跨性別人士生存唔到,爭在無得掟佢哋落獅子坑,綁女巫上十字架燒死咁,即時殺死佢哋咁解。可以見到班耶撚嘅心腸其實係非常之惡毒。

先唔講班耶撚嘅所作所為對香港社會同政治環境有乜嘢影響,佢哋開口埋口話「一男一女一夫一妻」,再留意下佢哋好多嘅論述都強調話「咁先可以生到仔組織到一個真正嘅家庭」,以此作為立論基礎,對照同志、跨性別「無得生」作為攻擊目標。呢種思維存在兩個盲點:
1. 就算一男一女,係咪一定要生?
2. 愛情、婚姻的本質只是為繁殖?

耶撚嘅觀點就係忽略咗愛情/感情關係當中,人與人之間的心靈交流,又或者係將「生仔」係感情建立後的結果顛倒為因,嚟建構「生仔係必須」的論點。即係話,佢哋講嚟講去嘅焦點都係「生仔」繼後香燈,完完全全就係小農奴隸DNA之只有功能 - 男女結合就係生仔,繼而就係「不孝有三無後為大」。

猩猩都係會男上女下的!

更可笑的就是佢哋又開口埋口話「呢個係中國傳統婚姻觀念」......
呢班人真係歷史盲到忘記咗「古代中國」嘅婚姻制度係三妻四妾,又忘記咗1971年10月7日實施嘅《婚姻制度改革條例》(CAP. 178) 就係廢除三妻四妾、童養媳呢啲「中國傳統婚姻」。一夫一妻不過是「欺侮中華民族嘅歐洲列強以西方基督教強加諸於『中國人』」的不公義觀念」。可以見到班耶撚只係响度自打咀巴!再粗俗一點,簡直憨撚柒鳩!

所以,如果佢哋真係要捍衛「中國傳統婚姻」的話,好應該叫有份出席當日遊行嘅梁美芬提呈私人條例草案,廢除CAP. 178 先係正道

作為異性戀者,都認為給予同志、跨性別人士在生活、工作上受到法律保障是必須的,英國的CIVIL PARTNERSHIPS 制度是值得考慮,但我個人還是有點保守,反對佢哋領養小童,原因唔係「畸型」的家庭組合,而係佢哋係好清楚佢哋嘅結合就是無後,唔應該以領養作為補償。

後記:點解共匪走狗會幫埋手,班耶撚又欣然接受,因為今時今日香港嘅耶教圈子,不過係建構人際關係網、籌劃利益關連嘅場合;在過渡期,尤其是1990年代,教會最擔心就係97後的生存空間。到今日,教牧仍然迷思「教會增長」,即係人數同奉獻收入。講到呢度,係人都望到痴實共匪可以攞到大把著數返嚟,所以耶撚咪同共匪走得咁埋囉。教會可以話變晒質,依家返教會嚟都係嘥氣!

返回主頁

沒有留言: