__

__

巴敗何其多

「巴敗」解作「巴士迷敗類」,即係一堆成日為咗影巴士做出敗壞公德的事嘅細路。無錯,好多「巴敗」都係十多歲嘅細路,當然亦有一啲「上咗年紀」的。
影巴士呢回事,早在二、三十年前都已經存在,只是當年要擁有一部相機未必係容易的事,或是用「傻瓜機」影巴士唔會俾人笑。另一個因素係當年無乜人覺得巴士有乜咁特別,對揸機影巴士嘅人都投以奇怪、甚至不懷好意的眼光,影巴士得嚟多少有啲避忌。

到咗今時今日,數碼相機普及,網上討論區發達,造就巴士迷影完相公諸同好,但同時惹來討論、批評「影得唔靚」
多咗人影巴士之餘,更衍生出所謂「標準相」之說 ── 巴士佔照片面積>80%,無路人、其他物件遮擋
但要影到>80%的效果,往往就要用上400mm 以上焦距的鏡頭,遠距離zoom 埋去架巴士;更有人用上800mm 鏡頭,使巴士車頭和車尾幾乎一樣大,甚至頭細尾大
放上italk、hkbf 等的討論區,換來很多人的like

先唔評論呢類影法係咪「靚」,但因為「非標準相」惹來劣評,就形成一股你爭我逐拍攝「標準相」的風氣。
對「巴敗」嚟講,影唔到「標準相」驚俾人插,唔敢擺上網,然後覺得好無面,於是乎各出其謀,甚至不顧公德、道路安全。
攝於2012年5月6日「熱狗」最後的星期日
為求影巴士搞到尖碼巴總秩序大亂

但用上長焦距、遠距離拍攝,又要無遮無擋,影開相的人都知道係一個矛盾來的。但又或者解釋到,所謂「標準相」多人讚好,是因為所謂的「技術」和運氣吧
而這個矛盾,就引致喝罵用短鏡影相、甚至路人「咪撚阻住晒啦仆街」,同今日《蘋果日報》報導破壞安全島燈箱等敗壞公德的事件。

除咗前述的「長焦距、遠距離拍攝,又要無遮無擋」矛盾之外,「標準相」的構圖要求根本是失真,而且缺乏周邊景物的襯托,根本就記錄唔到這部巴士在何地出現過,也沒有社會歷史變遷的記錄
從攝影同歷史記事角度,「標準相」其實好垃圾!!!

其實呢啲攝影、歷史文化、道路安全、公德問題,不少「老一輩」巴士迷話過佢哋無數次,但換來的都係「我鍾意咁影,吹咩」咁上下的回應
講到底,一切都只是因為巴敗嘅本質就係無家教,自以為是
搞個乜鬼「標準相」概念,說穿了不過是使一班自己或屋企有本事俾幾千銀買枝長焦距鏡頭,有一個show off 的機會,覺得自己咁先巧威威。

想當年,我拎住部NIKON FM2 用枝35-135mm 影巴士,根本已經足夠到唔夠



恃老賣老:我用135菲林相機影巴士嘅時候,你班巴敗都唔知响邊
唔是「標準相」...... 狠批吧!!!!

甚至有朋友話佢試過用枝70-210mm 都俾人話「喂,駛唔駛咁遠呀」
或者,佢哋就好似「大一統膠」看待港獨咁,還是認定「標準相」先係正統,但說穿了,不過又是show off 800mm 作崇。

那便留待今次這兩件巴敗

10年就應該唔會架喇,入下教導所,或者罰款守行為,然後俾老豆老母沒收部相機吧

然後就睇下幾時再有第三、四、五...... 件巴敗繼續為咗「標準相」犯事啦

返回主頁

4 則留言:

Bose Hung 說...

他們看重的,
並不是相片本身,
而是從相片衍生出來的「話語權」……

當某種行為成了主流的時候,
就會有人期望成為當中的尖端;
當成為了「主流尖端」的時候,
不就是「大地在我腳下」,
成為界別之下的霸主?

說到尾,
只不過是「自大」二字而已!

kitman 說...

我都試過post相俾人話「非標準」,有時影架巴士只為分享一些特見或者見聞,點解一定要標唔標準。又有冇見過明星在微博上載自拍照要上載「標準相」才有fans俾like,矇到死只要個明星靚仔靚女或者顯現左平時大家少見既一面,一樣都有n咁多like。

「標準相」的標準也set得太高了吧,只要有架巴士有主題,都是符合吧……佢地所訂既「標準相」應該改名為「專業相」

SE692 說...

強烈支持閣下打擊香港的狂熱巴士迷!巴膠大典摺柒收皮!香港巴膠盡早末日!

Jacky Ong 說...

Hong Kong bus fans insist on standard angle, this bad culture spread to Singapore and caused certain group to do same risk behavior running across the road and stand on divider, endangering themselves and other road users. They also suppress other bus fan groups who take photo more interesting and creative angle, want more likes for their standard angle photos. These uncivilised bus fans in Hong Kong insist on standard angle photo must be stopped before they spread far and wide causing more damage and problems to society!