__

__

夏天為大地帶來......

政府廣告SLOGAN 就「帶來雨水」,高登仔就話「帶來乳水」或者「帶來美腿」。

夏天對美女們真係又愛又恨,既可以小背心HOT PANTS,涼快之餘又SHOW OFF 下身材,但又好怕麻甩佬、毒撚係咁「眼球非禮」。著到咁又唔想俾人睇,好矛盾啫......

跟相識N年而無所不談嘅女性友人聊天,佢話大熱天時最痛苦的唔係俾人昅, 而係帶BRA 同嚟M嗰幾日,真係焗到個人好忟憎。佢話有時熱到唔帶BRA出街,話之「飛釘」俾人望




(純粹例子,非本文討論對象)

我沒抱奇怪眼光,但就哈哈大笑佢「你真係夠膽! 香港地啲麻甩佬麻甩仔會好似發現新大陸咁望喎」
佢就一輪咀.....
「大佬呀,熱嘅係我,唔係你,你哋啲男人好似前世未見過女人咁,都無佢哋辦法嘅喎」
「啲麻甩佬佢哋膚淺,唔係要我焗住嚟自己受呀嘛」「就算無PAD 嘅BRA, 箍住晒好唔舒服。試下搵條繩綁住你,唔好話扎住碌鳩,淨係綁住响你個身度,你都周身唔自在啦,仲要大熱天時」

佢所講可能係好多女性嘅心聲。而我作為一個中年麻甩佬,一直以來,看待女性衣著都只會認為係佢哋個人嘅事。著得好睇那是她的美事,配搭得唔好又是她自暴其短。
再針對呢位朋友所言而講得俗啲,「飛釘」又如何呢? 前世未見個女人乳頭咩!!!

說到此,港男成日埋怨港女「又要著得低,又怕俾人睇」嘅同時,又係咪真係應該反省下你哋啲眼光同態度呢
但又掉返轉,港女又係咪要咁「敏感」的成日形住周街俾人眼球非禮呢。我試過要過馬路時望緊有無車嚟緊,站在旁邊的一名女子就突然用手撳住個領口 (但講緊唔係低領)

其實,講到尾都係一種「泛道德主義」作崇,成日都認為「女人著到咁成何體統」,或者係一種認為「身體就是私隱」嘅想法。但要是香港嘅性教育做得好,知道何謂尊重別人,同抹走對性和身體的禁忌,又係咪可能減少咗毒男們對女性身體的所謂好奇、迷思、幻想;女性可以放開呢啲所謂「傳統觀念」嘅枷鎖,唔駛咁辛苦。

但或者明光社一日仲存在於呢個世界上,一日都無可能發生嘅事

返回主頁

沒有留言: