__

__

港獨革命又如何

連續兩日兩單撰文 / 報導,講緊嘅係張志剛嘅《老老實實,是不是要搞革命》同田北俊嘅「真普選與港獨無異」,充滿挑機之意



不打算評論呢兩條友嘅用意,只想去指出「革命」以至「港獨」嘅問題。

不欲分析度香港是否已步入「革命」的進程。引用中國社會科學院近代史研究學者雷頤,對晚清歷史有這樣的評價:
與其說「革命」是下層「激進」的結果,不如說是被上層的「極端」逼迫出來的
以史鑑今,大家都心裡有數。

對於黃皮膚黑頭髮讀中史讀到上晒腦嘅人嚟講,「革命」就會聯想到「流血事件」,也該是張匪寫這篇文的動機,作為警告香港社會和給中共「準備」的論述基礎。但古今中外,最少一場發生於1974年4月25日响葡萄牙嘅「康乃馨革命」並沒有流血,關鍵不只在於策動革命的一群有周詳部署,而是「被革者」知道無路可逃而就範。將之套用於香港,中共17年來如何摧毀香港社會,可謂「表面證供成立」,只欠港共傀儡政權入面上至問責官員、下至公務員爆晒中共有何指令,拼出出一幅完整嘅殖民侵略嘅圖畫。呢個或者就係佢哋尚可苟命殘存嘅唯一可能性......

除咗共匪、大一統左賊全盤否定「港獨」之外,坊間亦好多人因為讀啲洗腦式中史而否定其可能性;也暫不談高深的《人權宣言》的族群自決權,香港要脫離中國有何問題? 共產黨管治下嘅香港,唔只民不聊生,直頭以「生靈塗炭」嚟形容也絕不過份。再回想二戰後到97年,除了領土主權屬英國之外,成個香港嘅社會運作根本同一個獨立國家無異,只不過共匪响過去17年裡面不斷摧毁呢種能力。如果香港同中國脫勾,恢復97前嘅社會運作,人民生活質素能夠提高返去正常水平,有何問題?

真正讀歷史的話,就會清楚知道「大一統」不過是响漢武帝期間一條叫董仲舒嘅擦鞋狗搞出嚟只為討好皇帝嘅垃圾學說,然後是孫文、蔣介石至共匪食主條水獨攬權力而鼓吹嘅觀念。還有的,1911年之前是沒有「中國」這個國家,香港是從「大清帝國」割讓/租借出去的地方,故香港從來都唔係中國嘅領土,所以講乜春「香港同中國是一體」完全是廢話。今日美帝傳統基金會都狂抦呢個觀念


Journalists often write that Britain “returned” sovereignty of Hong Kong to China in 1997 after 151 years of colonial rule. In fact, that misstates the history

所以,香港人要掉晒嗰啲「國民黨特色嘅中國歷史」科所灌輸嘅觀念,用西史科嘅角度睇返清楚香港嘅歷史同位置。

返回主頁





沒有留言: