__

__

旅遊巴公司係可以唔做7月2日佔中清場嘅柯打

7月1日深夜/7月2日零晨,記者好友WHATSAPP 傳來一幀旅遊巴士相片,問我公司名稱。我回問是否確定「清場」用的,朋友就再給我看WIDE SHOT,巴士的周圍泊滿警車,位置是交易廣場下巴士總站。由於當時我趕返中環途中,我再問其他在中環的朋友 (包括其他傳媒機構),都說是有相同的發現。於是我就出圖炮轟間旅遊巴公司幫港共公安做埋啲仆街嘢





有人轉貼至FACEBOOK 一個旅遊巴討論區群組 - 旅遊巴士交流暨貼圖區 Touring Bus Area,惹來入面幾條友向我反擊。詳細就CLICK 以下截圖放大慢慢睇,唔想咪晒就睇紅色框起的幾個




我無理呢班人乜料子,但有合理理由相信係旅遊巴業界份子。因為講嚟講去都係黃子華警世名言:搵食啫,犯法咩
就連我回敬講社會公義嘅觀點,呢幾條友唔係話我抽水,就質我「你唔識做生意就收嗲」「司機伙記供車嘅錢你俾呀」云云
清楚見到呢班人眼中有嘅除咗錢,就仍然係$$

我响旅遊巴界打滾咗十幾年,當然知道呢班人係見錢開眼,「公義? 值幾錢斤呀」嘅思想。所以見到呢篇報導

根本就見怪不怪。除咗《蘋果》之外,還有兩位在其他傳媒機構嘅朋友問我「索唔索到邊間旅遊巴公司」
順便的,班友仔反擊話「傳媒問我係邊間公司」根本係老作而純粹個人吹噓去攻擊捷迅。
傳媒操守入面有謂「保護消息來源」,呢班友或者真係對傳媒運作比我更無知。一句講晒:佢哋信就信,唔信就鳩就

响錢同社會公義之間有無可能取得平衡,甚至雙贏,答案係有的。玩法就如台灣太陽花學運入面嘅「太陽餅」事件
就以我所知道做呢張港共公安柯打的捷迅、南記、龍威、城市,佢哋可以在收到香港公安部訂車柯打之後,就放料出來,當然包括政府俾幾多錢
然後就搵人發動民間集資,等幾間旅遊巴公司錢照收,又唔駛做埋呢啲仆街柯打
籌款目標夠冚條數仲要每架車加多$200指定俾司機。我估計公安部應該每部車$4000 - $6000,即係總數大約20萬有找。就當遊行真係得51萬人,每人五毫子都夠找呢條數。
驚有人落格,就請有會計師執照嘅陶君行、或者社運支援律師團嘅律師做監察。

結果就係幾間旅遊巴老細、司機隨時無損失,司機們又可以有返一覺好瞓 --> 鬧我班友嘅眼光係咁狹窄到呢......

再從社會公義角度去講,班死差佬平日恰鳩班司機上晒面;運輸署又不斷打壓旅遊巴嘅經營空間,依家你哋見有錢袋就去???? 真係以為你幫咗佢(兼有錢袋) 以後會對你哋好啲呀?
至於擔心「以後唔駛做政府嘢」,市場學/談判學都有一個理論:睇下邊個求邊個嘅姐。再者,政府啲仆街嘢,拎嚟玩膠好過啦

呢兩日都有同啲有兩句計傾嘅旅遊巴公司嘅朋友傾開呢件事,佢哋原本都對我有啲火,但又苦口婆心咁話我唔好咁針對佢哋。但聽完我講個「民間集資找數而唔駛出車」嘅IDEA,不約而同話「屌你,早撚啲響吖」。但亦都擔心「市民係咪會咁齊心呀」
即係話,關鍵還是市民的醒覺。

最後,有報導指7月2日因旅遊巴安排失當而拖慢了清場,不知是港共公安部計錯數,還是幾間旅遊巴公司 (尤其是主力的南記)不知有心定無意而導致的局面...... 如是後者,就要俾返啲掌聲過呢幾間旅遊巴公司的主事人了

返回主頁

沒有留言: