__

__

HKTV 一開台就放甩一個身位

不少港人期待已久的HKTV 終於昨晚以互聯網播放放式正式啟播,小弟「戒掉」追看CCTVB 啲婆媽師奶劇習慣無十年都八載,都坐定定兩個鐘睇晒兩套開台劇《警界線》同《選戰》。




雖然《警界線》第一集早在一年前從Youtube 睇過晒,亦完全清楚劇情,亦無阻我再次欣賞的意欲;即使放下一些政治觸感,《選戰》同樣是期待的。

先不說兩套劇的題材及內容很異於CCTVB 常見的,吸引之處就是完全沒有CCTVB 那些婆婆媽媽拖拖拉拉嘅劇情節奏,而且每一場戲鋪排得很有關連又沒有突兀嘅感覺;即使係Calm down 場面,例如《警界線》鷹Sir 同 Madam Fong 去學校睇囝囝表演,帶出津津原來一年前受槍傷而癱瘓於是鷹SIR 對Sniper懷恨在心的固執,呢種完全電影鋪排手法真係無可能响CCTVB 見得到。响槍舖嗰一幕呼應返同林嘉華响學校相遇,營造嗰種「唔係嘛,呢個世界細到咁」嘅感覺,亦非衝上雲霄(二) 啊Holiday 同COOL魔偶然地重遇可以相比。

又或是《選戰》韋文軒遇車禍的情節,雖然都係預計之內,但沒有如CCTVB 的模式而必定有「出事一刻」的畫面,將懸疑味推向極致又唔會使觀眾搲爆頭,呢啲就係HKTV嘅精心細作而值得欣賞之處。

拍攝認真係第二個吸引之處,《警界線》用返真實的最新款 Benz Sprinter 516CDi 警車而非電影公司的道具舊款警車;又例如《選戰》入面廖啟智飾演的宋漫山同估計係「王光亞」王主任通電話時的語氣詞彙,完完全全就是共匪一派嘅嗰種。

更不得不提幾場情慾戲,例如張癸龍買醉後帶女開房,到第二朝女角從被窩取電話已明顯見到上身赤裸,之後的帶BRA過程「出晒街」;又或是曾偉權飾的陸偉陶在紅磡火車站停車場車震一幕,男女角的內褲也露了出來;與及臨完場前陳逸寧飾演的紀文慧在張癸龍家中「除剩條底底」
 

雖然HKTV 現時的廣播模式不受廣播條例約束,但為了發牌也該是主動遵守。而夠膽挑戰廣播條例之下用盡尺度,將成年人明知「咁先係反映真實」情節拍攝出來,又沒有甚麼淫穢感覺反而覺得真實,呢啲咪就係誠意囉!

對比HKTV 主網站40萬收睇「爆 Bandwidth」加 Ustream 有多達30萬觀眾,無綫低莊到搵矮仔搭高妹玩求婚搶收視,都係得25點,真係該猥囉!!!!

順帶一提,唔係我黑心,李克勤2002年情情塔溚演唱會講過「結婚嘅事千祈唔好俾TVB 直播,因為必定『隆重收場』」;而《明報》報導過去有無綫參與的婚事都無好下場......
祝呢對同居而聲稱唔「搞」嘅耶撚男女好運!

返回主頁

沒有留言: