__

__

港大退聯,中共當然唔高興



港大以公投退出學聯,一眾左賊就發晒茅,話影響大專院校團結云云,更甚至左賊首領之一、前學聯秘書長、人稱「屌姐」嘅陳倩瑩一句「中共最開心」,簡直經典中之荒謬極品。


學聯成立於1958年,本來是推動香港學生參與社會事務。但其歷史進程有不少與中共密切關聯,例如支持文革的立場。而近年學聯被狠批民族主義上腦,亦非今日之事。除了人所共知是支聯會創立單位之一,共已投的馮煒光、處處維護蝗蟲的蔡耀昌曾任秘書長之外,1970年代的「保釣」,學聯就有份站在前線推演這場運動。可見學聯的「大中國情義結」之深。

近年學聯另一個問題,就是學界、論政圈人所共知的「老鬼干政」。這些「唔知畢業咗幾多年」的資深大專學生,恃住自己食鹽多過你食米對學聯的事務指天篤地,尤其是涉及社會事務、政治議題的,更不斷發揮「老人家經驗多」精神提出「寶貴意見」,但結果都係搞出硬膠,甚至大頭佛出來。舊年由罷課到佔領,知情的就睇到呢班老鬼搞咗幾多衰嘢出嚟。

港大退聯對中共的影響,就是削弱了借學聯推動民族主義論述的力量;或最低限度,加埋叶匪聰明豆敗選,就等如想利用班民族主義 (甚至是已被統戰) 的老鬼用學聯繼續鼓吹大中國主張就少了港大一枚棋子。

民主精神就係要願賭服輸,陳倩瑩之流言論有如輸打贏要,更使我想起1982年無咗自決公投呢段歷史。小弟曾經質疑過,當年班民族主義上腦嘅「國粹派」,例如死撚咗嘅曾澎基,共已投的劉迺強等人,就係驚輸所以唔推動公投,甚至大專院校竟然否決陳健民提出應該公投的動議。而今次港大公投真係輸鳩咗,成班左賊頂住度氣,更加證明我當日嘅質疑唔係無根據。

所謂舊債未清、新債免問,學聯以至泛民班死老嘢,唔該認咗1982年無咗公投,同埋近年有關港中矛盾幫盡中國人言論啲爛數,先好再講嘢。

返回主頁

沒有留言: