__

__

老作偷文之外仲隨時偷你資料

《明報》爆 Buzzhand.com 老作新聞,突然好多人出嚟鬧爆呢個網站。但過去呢一年半載,唔少人响Facebook都有睇、Share、like 呢個網站嘅「文章」,又或加comment 覺得好有道理。

初初我都有Click入去望兩眼,但發現啲「文章」都係左搬右砌抄嚟抄去,睇到大約2/3就彈個pop-up出嚟叫你like,仲要showing 幾十萬人 like咗,就開始起疑心。更發現Contact us 只係一個填充表格,連一個網絡媒體最起碼應該有嘅電郵地址都無;然後睇返homepage版面設計完全低能兒童小學雞級數好似用小畫家拼出嚟,就認為唔慌有好嘢,之後就直頭睇都唔再睇。

類似Buzzhand.com 嘅網站仲有 Shareba.com,teepr.com 同bomb01.com



通常對呢類有可疑嘅網站,我都會上whois.com 起下底,結果不出所料,全部真係好有可疑




Click 圖睇睇 Full details

全部註冊資料都收起晒,Host Admin 响澳洲同Godaddy;中文內容兼聲稱最多讀者群係台灣....
兩個points 合埋最大可能性,就係呢啲網站係由台灣嘅網軍所建立同管理。
台灣嘅「網軍」背景多是國民黨所籌組,任務類似共匪嘅五毛黨之外,係咁「呃 like」不單是建立所謂人氣,仲有就係藉 click like 去攞你個Facebook 賬戶嘅資料,目的可能係賣俾廣告公司,亦可能係帶有政治目的嘅收集情報。而自從馬特首上台以來,國民黨同共產黨在經濟、政治都過從甚密。即係話,你 like 佢啲「文章」又甚至係齋睇,都可能已經攞咗你個Facebook 賬戶資料去做咗一啲唔知乜嘢事。

奉勸大家,呢幾個網站以至其他類似搏你 like 嘅網站,都係小睇為妙。

回主頁

沒有留言: