__

__

養貓嘅嘢……

眾所鳩知,我家中有兩隻小貓,更曾經因為其中一隻生咗一胎兩隻B,最高峰時一屋四貓。兩隻貓B已移居到我家姐屋企,所以我都唔知到底我係養緊兩隻定四隻




日日要餵食、鏟貓砂…… 除了一個借來的「飛機籠」以備不時之需,就連圍欄也沒有。兩隻喵星人日日通屋走,客廳中的梳化、廚房的微波爐頂、以至我張床,都是她們的隨時zzZZZ的「地盤」。也當然,布質梳化留下她們「磨爪」的痕跡,甚至是卷裝廁紙變成「玩具」是難免的。這就是好些養貓人平日外出返工返學時把喵喵困在籠中的原因,免得牠們大肆破壞。不過,從我出世家中已有貓到今日,我就是堅拒用籠,原因不單是深明所謂「等價交換」的道理,更是「泥水佬開門口」,你唔鍾意被困為何要困住隻貓呢?!

唔計「困籠」呢個我認為不合理嘅做法,普遍養貓人都知道,貓嘅忠心源於主人如何對待佢哋,但佢哋嘅期望其實好簡單。有依時依候開罐罐,鏟砂盤、換水兜,得閒無事摸下佢,就會好滿足。雖然,我的兩隻貓本來是「貨倉貓」唔太「癡人」,但依家幾乎晚晚都上我張床一齊瞓,好似做緊Body Guard 咁;甚至有時會好似狗仔咁跟住我行出行入,感覺十分過癮。至於梳化的「磨爪」的痕跡,已訂造兩個以汽車用PVC仿皮料的套,起碼遮醜先吧。

响《聖經》入面,法利賽人、文士從來都以為自己是擁有公義,對四周圍嘅人和事指手劃腳,但實際上佢哋識幾多嘢,唔睇晒四福音,齋睇最短嘅馬可福音,都知道根本係一堆「無料扮四條」、「明明二仔底扮晒葵扇煙」嘅白痴仔。甚至乎最多非基督徒熟悉的「耶穌潔淨聖殿」而最多人引用作「耶穌都會發火『掃場』」之外,有做過釋經學研究的還會發現法利賽人、文士根本唔認同耶穌基督咁「暴力」的行徑,認為應該和理非非勸喻啲小販離開。再深入一層的推論,唔只是得出法利賽人、文士就是假冒為善的人,更會直接狠批佢哋已經用佢哋嘅自以為是的「正義」取代了上帝的公義。

我唔知管浩鳴有無養過貓,亦唔想推斷。但可以肯定,管匪之流不過是比法利賽人、文士較高級的祭司長而已。要簡單而通俗的講,就是「你唔曉養貓都唔好用你個膠腦藏著的所謂公義去侮辱啲貓」。


返回主頁

沒有留言: