__

__

葉鴻輝可能真係唔係「中國人」

先啟:本文擺明抽水,挑動港中矛盾、煽動種族仇恨、借題發揮否定香港人就是中國人……唔鍾意可以唔睇!

香港守和中共,葉鴻輝當然要記一功。賽前佢揚言「就算今次我贏唔到,我都要阻止你出線」,而匪區微博有回應道「當年阻撓入貴州,今日復仇就是道理」。

2013年,中共足協以他是「外籍」禁止他加入貴州人和隊。

(原文:http://www.guancha.cn/sports/2013_07_22_160059.shtml)

當時群起質問「香港也算是外籍嗎?」;也當然有人高叫「好吧,中國共產黨透過足協宣佈香港人不是中國人」大肆抽水。後來中共方面當然解唔到話,而最終都係不了了之。

中共隊鄭智向鄭鴻輝吐口水辱罵係狗一事,加埋貴州人和事件,撩起我條根係咁意研究一下。根據足總嘅資料,似乎搵到一啲值得留意嘅事。


(原LINK:https://www.hkfa.com/en/club/12/detail?player=4066

雖然葉鴻輝係香港出生,但佢用Yapp 呢個英文姓氏串法,有可能同小弟嘅 Lim 有相同背景 ── 即係葉鴻輝有可能也是「南洋愛國僑胞」之後。其他國籍有沒有可能用這姓氏英文串法,當然是有可能的,但機會真的不大。縱使Yapp或Yap源於福建、潮州話,但匪區的身份證/護照的「英文」都是用胡語拼音,所以他父母、祖父輩以上絕不可能是來自中國。

按葉的年齡推算,如果佢真係「南洋愛國僑胞」之後,那應該係第三代的了。以小弟為「第二代」也是因近年研究南洋歷史,找出中共惡毒對待「南洋愛國僑胞」的事蹟,再透過家人、在台灣及星馬親屬的口述「重組案情」找回父母的故事,葉鴻輝不知祖父輩的歷史,以至他父母未知其上一代的故事,是正常不過的。

咁又與「外籍」之說何干?有讀過小弟多篇有關「南洋愛國僑胞」歷史的文章,例如2013-9-23《蘋果日報》刊登的〈由馬共歷史看中共〉一文 ,該記得中共指「南洋愛國僑胞」非土生而本質不純,在三反五反、大鳴大放、文革期間成為地主、資本家、知識分子以外的主要被批鬥對象。另外,周恩來响1955年同印尼簽訂互不承認雙重國籍協議,變相承認印尼華僑不是中國人。

即是話,如果「Yapp」的推斷屬實,中共足協當年應該因為葉鴻輝係「南洋愛國僑胞」之後,甚至存有佢祖父母的個人資料,而判斷佢係「外籍」而否決貴州人和羅致佢嘅申請。即係話再有證據反映中共視星馬印尼等嘅華人並非「中國人」,响香港嘅「南洋愛國僑胞」及其後裔並非中國籍。

又再如果「YAPP」的推斷真係俾小弟估中,鄭智的辱罵,不單是可向國際足協舉報的案件,更是再次掀動「南洋愛國僑胞」同中國共產黨逾60年的恩怨。「足球先生」隨時係無端端搞出一個連中共都唔知點收拾殘局嘅大頭佛!

雖然第一代「南洋愛國僑胞」多已駕鶴遠去,他們生前因感到羞澀而沒怎向親人講得太多,這些歷史已逐漸淹沒於大時代進程,中共或能繼續躲避於一時。但這筆涉及以十萬人數計的天文數字歷史爛賬,要是能成功發大的話,就必定是一枚能摧毀中共民族主義的核彈。

後記:以我自己為例和觀察身邊朋友,「南洋愛國僑胞」嘅歷史一係就唔知,一知道的話十個有九個半都係會「上晒腦」甚至「發晒癲」。無他的,因為知道如果長輩沒受毛澤東呼召,十居其九能係响南洋過住安樂甚至大富貴的生活。所以,如我等一類「南洋愛國僑胞」後裔嘅家庭背景問題,絕對係可以「一句話激嬲人」嘅事。邊個挑起都唔會有好下場,甚至俾人「追九條街追斬」都係正常的。

返回主頁

沒有留言: