__

__

致商務及經濟發展局局長蘇錦樑公開信



香港郵筒上的「港英殖民走狗」標誌早已被郵政署用綠油上晒色,搞到唔認真留意都唔係好覺架啦。老老實實雖則「香港幹部」(我以至好多人眼中香港已再沒「公務員」) 要上甚麼國情班、甚至要去北平體驗國情,個腦都早已充斥(懶係偉大的)中國共產黨政治思想,但,一個實質上無任何政治蘊味嘅純粹服務政府部門,响古語有云「無風怎起浪」之下,做乜會香港俗語「無啦啦多撻疤」,無端端話要唔知拆定遮咗佢。响丁葉燕薇後面無人指使,其實唔係好信囉。

古語有云:若要人不知,除非己莫為;
又黃子華有云:若要人不知,千祈唔好咁低B;
再又有如黑幫或古裝武俠片電影通常嘅情節:乜嘢人先會保守到秘密呀? 死咗嘅人呀 (跟住通常嘅畫面就係有人被殺)

好啦,依家毛孟靜議員明查暗訪之後,爆出你呢件表面名為民主建港協進聯盟嘅中國共產黨香港支部成員嘅閣下就是幕後指使人,一天都光晒之餘,我作為都好好醜醜為咗推動中國汽車工業發展做咗十幾年憨居仔,都會明白阿蘇局長你為咗要落實港澳辦主任陳佐洱嘅去殖民化嘅「法律規定」,都真係要好不遺餘力。既然係咁,我就好強烈要求蘇局長閣下,一係唔做,一係就做得徹底啲,鏟除晒所有帶有濃烈英國殖民主義嘅處理埋香港啲街道、公眾設施。

嗱,我好認真的,亦貫徹响媒體、立法會公聽會上嘅風格 ── 俾埋方案你:



傳召運輸署署長楊何蓓茵及路政署署長劉家強,更改以下道路名稱:
皇后大道東、中、西 --> 解放東、中、西路
正義道 --> 行政路
德輔道中、西 --> 先烈中、西路
砵甸乍街 --> 小平里
文咸東、西街 --> 起義東、西街
羅便臣道 --> 中山大道
堅尼地道 --> 遵義路
司徒拔道 --> 武昌路
彌敦道 --> 人民大道
公主道 --> 毛澤東道
太子道東、西 --> 周恩來東、西路
寶靈街 --> 林則徐街
尚有大量,未能羅列。請蘇局長向兩位署長查明。並督促懲教署署長邱子昭,要求各懲教所在囚人士日以繼夜,夜以繼日加班,務求响14日之內完成全港路牌製造工序,並完成更換工作。

另外,响星期二行政會議上,動議要求食物及衛生局局長高永文作出配合,並在本週內傳召醫院管理局局長梁智仁,要求更改以下公立醫院及診所名稱:
瑪麗醫院 --> 薄扶林周恩來醫院
瑪嘉烈醫院 --> 葵涌鄧小平紀念醫院
伊利沙伯醫院 --> 毛澤東紀念醫院
威爾斯親王醫院 --> 習仲勛紀念醫院
東區尤德醫院 --> 東區江澤民醫院
柏立基健康院 --> 楊尚昆紀念健康院
戴麟趾夫人診所 --> 彭麗媛診所
尚有大量,未能羅列。請蘇局長向兩位局長查明。

還有,响星期二行政會議上,動議要求民政事務局局長劉江華作出配合,並在本週內傳召康樂及文化事務署署長李美嫦,要求更改以下公共休憩設施名稱及立即展開相關工程:
麥理浩徑 --> 革命山徑
衛奕信徑 --> 長征山徑
維多利亞公園 --> 人民公園。並拆卸維多利亞銅像
麥理浩夫人渡假村 --> 革命先烈學習村
皇后像廣場即日起封閉,任何人禁止進入,並拆卸廣場內所有建設。

其實,要數真係仲有大輪膠把,但我只係一介草民每個月朝搵唔得晚,唔係收緊阿蘇局長你32萬7人工。數咗咁多俾你已經仁至義盡,剩低嘅梗係你做埋佢啦。

最後一句:咁鍾意跟中共做嘢,有本事就上北平中南海做官啦仆街,屌你老母。
(想好似愛港力對付林慧思老師咁搞我呀?? 慳啲啦你,我不嬲係粗人嚟架!!)

沒有留言: