__

__

咪再講乜春「傘兵」鎅票啦

區選至今已經一個星期,有關傳統泛民「元老」落敗嘅討論仍然熱鬧非常。乘流出梁頌衡出任城大學生會期間與共匪「過從甚密」的iMoM ,和再「爆出」游蕙禎曾於《大公報》做暑期工,喋喋不休批評「傘兵」鎅票就升溫至他們是紅底云云,吵鬧到真係有點心情煩燥。

雖則嚴格而言青年新政等「傘兵」的背景仍然是個謎,但「誰沒有過去」也確實是老生常談的道理。一位任職傳媒要職的朋友在FB如此post:
程翔係《文匯報》,屈穎妍係《壹週刊》。劉江華係港同盟,梁慕嫻係學友社

而我就再加多兩腳:
第一腳:林健文係自由黨,徐遠華認咗共青團,劉迺強係匯點
第二腳:我由1998年起花咗逾十年青春光陰,義無反顧、滿腔熱血,親身上陣為中國汽車工業做咁多事,第一個賣中國車嚟香港;期間同廈門市政府有相當往來 (當年福建省長就是習近平,省委書記是賈慶林)


關於鎅票的爭論,除了有人指出有些選區「傘兵」的得票比傳統泛民還要高,弄得一眾白鴿支持者氣急敗壞之外,我舉以下幾個民主黨成員的例子給大家看看:

利東「孖寶」

兩屆都有「人力」或「熱狗」鎅票,但區、羅二人的得票在上一屆分別為49%和53%;今屆兩個都的得票率分別為61%及56%,區軒的票數升幅逾四成。


楊森口中「出咗香港仔隧道無人識」嘅柴文瀚 (按:此為政圈中公開的秘密 ~ 2012年立法會柴未能排名單首位的原因)

上屆只同條黃腳鱲「隻揪」55:45 (白鴿最鍾意嘅「黃金比例」),今屆共匪出兩件「鎅刀手」都無阻佢「過半」(53%)。

唔太多人為意的朱順雅

恆福選區為青山公路三聖至龍珠島沿線,私樓+鄉村=通常認為泛民「死鳩梗」嘅選區。但「B朱」佢响上一屆以40%得票率取得議席,今屆「一個打三個」之下,得票增加八成,得票率達59%。

另一唔太多人為意的林頌鎧

兆置選區包括兆安苑、置樂一帶私樓、恆順園。業主大多為「上晒岸」,即一般認為最憎傳統泛民嘅一群人。上屆得票率是75%而今屆是67%,縱是出現危機但仍能保住「過半得票」的結果。

以上例子說明,要是能穩住50%以上支持度,話之你共匪點鎅都根本唔係問題。

落敗者與其賴「鎅票」,不如認真反省下點解你攞唔到「過半得票」支持啦。甚至不如直認只不過一直計住一條「如何找min pay就可以呃到個議席返嚟有飯開」嘅數,而忘記咗民主政制嘅真義就是「大多數」。

我唔知、亦唔會理班老鴿同啲FAN屎睇完會唔會爆血管,亦唔會Care 佢哋會否諗住搞乜屎尿屁作乜故仔去抹黑我。道理就擺响度,唔撚聽死咗就唔好怨。

返回主頁

沒有留言: