__

__

港燦以為網絡23條唔關你事?

港燦普遍地小農奴隸基因之「生不入官門」的政治潔癖,因而對「網絡23條」仍是漠不關心。先唔批鬥佢哋呢種「講到口臭」嘅想法,亦唔講689明言「拉布都無用」,講下我觀察到港共嘅盤算。

港共想仿傚共匪主子搞封鎖網絡,要全香港人變成有如匪區順民是最終目的,但最短期目標,係想杜絕一切「考古」工作。即係例如呢個咁

俾人咁抽後腿,被恥笑無面事少,有record地遭「追數」而失話語權事大。呢個盤算,亦正合共匪要「消滅歷史」嘅原則 ~ 沒有了歷史,就沒有記錄;沒有了記錄,就可以隨時地任意「覺今是而昨非」。

至於條例草案中「無需版權持有人舉報都可以執法」,恐怖之處在於以下例子:

1.

係人都知我同柴文瀚老友,佢作為「版權持有人」當然唔會郁我。但中共香港支部「頂住道氣」就可以報警拉我;

2.

版權屬於《蘋果日報》,雖則總編輯陳沛敏極度憎恨小弟,但基於「新聞自由」未必會郁我。但啲「關懷大愛」左賊就可以報警;

3.

呢個陳年POST架「991」廈門金龍旅遊巴的確係小弟所影,即係張相嘅版權本屬於我。但因為係FB 畫面的Capture,現時廈門金龍代理商大昌行條氣唔順of 我成日屌鳩佢哋,又可以報警拉我「發佈侵權物品」。

或者港燦們認為「我又唔理政治,又唔會post政治嘢,駛鬼理咁多咩」,但是.....

响 FB 見到某名牌手袋店搞開倉大特價,仲要「有圖有真相」show 晒啲款式出嚟,跟住用Whatsapp send 條link 俾啲好姊妹。
啲名牌手袋通常都有做到Copyright registration。咁啱你男友個ex 企响你隔離見到,就可以報警 of 「發佈侵權物品」。

港女們或者認為「最多咪唔send link、唔Cap 圖,打電話講囉」,的確咁就可以斬腳趾避沙蟲。可是不少港女最愛的「煲韓劇」,但條link 係咪南韓電視台的原裝SOURCE,心知肚明啦。
如果你响地鐵車廂坐响度掛住睇,無行入車廂中間頂住個門口搞到大吵起來,或者唔讓座俾長者、大肚婆俾人拍片擺上網公審,同你嘈嗰條友嬲起上嚟係可以去報警 of「不法途徑收看侵權影片」。

會出事的當然唔只港女,毒男都會。雖然睇This AV 多數都係閂埋房門,又或者唔怕被detect IP 搞到成日收垃圾email 睇 PornHub,諗住都唔係香港網站就唔會有問題。
但要是搵次同女伴一齊睇之後「大戰」....
過咗唔知幾多日,佢發現你响諾士佛台同個唔識嘅惹火尤物飲嘢仲要攬頭攬頸,可以一嘢報警話你邊日响屋企「瀏覽侵權網站」,「分手」兩個字都唔駛講就可以同你收檔。

也許港燦們仍會認為我只是子烏虛有、唯恐天下不亂老吹作大,那就即管繼續唔理。共匪講明「下一階段將檢討會否對侵權網站進行司法網絡封鎖」,到時搞到要另外俾錢搵外國VPN 先上到網就唔好怨。又或者鍾意煲劇嘅港女唔識乜嘢VPN,諗住左賊嘅「大家都係血濃於水嘅同胞」而打算上肚兜、休箍之類網站睇咪得囉,唔好意思that匪區啲影片網站係set 咗匪區IP先可以睇到。到時就完全係「叫天不應叫地不聞」焗你日日只能睇中央電視台B套啲爛劇,就唔好喊囉。

後記:
關於「拉布」戰,條例只需「過半數」就可以通過。即是撇除曾匪鈺成勢必「剪布」,提出109,700個修訂案都只係拖延共匪宣佈勝利嘅時間,即係話除非會出現台灣太陽花學運攻入立法院終斷ECFA法案通過嘅場面,否則只係死鳩硬。要再直接啲講「拉布」只係將「推出午門斬首」由午時推遲到亥時,係完全無意思的。但要响香港發生陳為廷、林飛帆咁勇猛,唔好講犯法嘅問題,就是劉慧卿一句「和平理性非暴力」+ 左賊一句「邊個衝邊個就係鬼」,已經肯定唔會發生。
至於白鴿嘅修訂案,撇除分組點票而都係嘥氣之外,响「共匪乜都要話晒事」的客觀條件下,乜膠「開放式豁免」條款有同無都無分別。

返回主頁






沒有留言: