__

__

香港人就是中國人,,,,,,


小學雞課本 (不論十膠幾世紀我嘅年代還是依家共匪要洗腦嘅時代)是咁寫的
黃皮膚黑頭髮,就是中國人

咁 ......
駱家輝 (Gary Locke) 係咪中國人??
佢到北京履新美帝走狗駐天朝代表時,共匪中央電視台記者問佢「你會回台山祭祖嗎?」。佢話唔會。一眾網絡評論員齊聲大罵「數典忘籍的爛臭黃皮白豬」。當然再加上「身為中國人回到家還說英語」

劉程強 (新加坡工人黨秘書長) 係咪中國人??
佢競選時用一口流利嘅潮洲話爭取選民支持,又會講一口流利的「普通話」,梗係中國人啦。但所有公開嘅歷史記錄,佢從來只會話「我係華族新加坡人」

普密蓬 (รัชกาลที่ ๙泰國國王) 係咪中國人??
有齊典籍證明佢祖籍海南島,正如共匪治區新加坡留學生孫旭响2012年話「祖先兩百年前都是中國人」,點會唔係中國人?? 但幾時有聽過國王陛下講過「我是中國人」嗎?
網絡評論員或只見佢吱吱咕嚕講泰文唔識回應下手淘錢…..

唔蹉咁遠喇,返嚟香港

問到口臭嘅新聞記者利君雅(Nabela Qoser),現已移居英國的前香港藝員喬寶寶 (Gill Mohindepaul Singh),知名學者碧樺依 (Raees Baig),藝人布偉傑(Brian Thomas Burrell),河國榮 (Gregory Charles Rivers),1980年代當紅藝人歌手露雲娜 (Rowena Ellen Cortes) 及賈思樂 (Luis Castro)…… 中共港共都答你唔到、或者係唔敢答你驚「破功」之外,再唔係我成日開口埋口講嘅「南洋愛國華僑」,更係搞到共產黨走到有氣無訂抖。

但都未夠好玩......

想娶台妹、坡妹or 溝台仔、坡仔,無得「團聚」喎。無端端台灣人、新加坡人唔是中國人,想點先阿689、陳國基處長?

嗱,我姑且再度擺埋自己上枱
父系祖先係金門烈嶼上林派人 (仲唔係中國人???),响清國乾隆帝年間出走婆羅乃。直到我阿爺,唔鬼生性溝咗件「生蕃婆」生咗我老豆 (即係打亂種喇)
點知我老豆憨膠膠受偉大的毛主席呼召...... (自行搵返「南洋愛國僑胞」啲嘢啦)

但同時的,阿爺啲兄弟又衣錦還鄉,點知適逢國共大亂戰。幾個阿叔滿腔熱血受蔣光頭感召……
不過好彩蔣光頭佬帶埋佢哋橫渡台灣海峽,仲搵埋地起埋屋俾佢哋住咗起碼三代人

雖則我老母祖先由福建莆田 (係中國人啦),走咗去砂朥越古晉而阿公、太公無娶「生蕃婆」,希特拉最鍾意講嘅血統係純嘅。但我老豆啲種溝埋,我都仲係「雜種仔」囉。

咁我係乜嘢人呀??? 定還是真係學陳匪淨心口服液嗰啲應該躝屍趷路離開香港呢?

奉勸嗰啲唱候德健「HEY 円精 HEY 偷法 烘屁夫」唱到上腦嘅友仔,唔好去德國呀。散播納粹主義罪係可以先收監後過堂架。

延伸閱讀
左賊的「家庭團娶」雙重標準
媚共同小朋友洗腦就認咗佢 ─ 致黃大仙聖母幼稚園公開信
點解會有印度巴基樣嘅汕尾福建同鄉?

返回主頁

沒有留言: