__

__

九龍西,仲問? 梗係游蕙禎啦!!

本文為2016立法會選舉候選人推薦 (選舉廣告)

今屆立法會選舉推薦名單第三個,是的,我一直有點偏心。


(攝於去年區議會選舉。夾唔到時間影新相,唯有用住先)


認識游蕙禎於去年年中,但不是我「荷爾蒙上腦」,而是最少有三件事令我留下深刻而良好的印象。

第一單
話說於去年6月尾7月初,青年新政發表一份支持放寬小巴座位上限嘅文宣,但資料有錯,且係一啲 Google 會搵到嘅資料都錯,可以話錯得都幾離譜。我响Facebook 出 post 強力恥笑佢哋。結果係游蕙禎PM 我 (去我個Page) ,問我可唔可以話佢哋知到底錯咗响邊、應該點改返;同埋會唔會有時間講多啲交通政策嘅嘢俾佢哋知。

响以往發生類似嘅事件,民主黨當我臭四,公民黨選擇性失明。嗰一刻我的即時反應係「呢個女仔、呢班人,有返呢啲基本功喎」

第二單
話說响區議會選舉期間,有一日我發現佢同鄺葆賢兩個响紅磡火車站去黃埔花園嘅小巴站開街站。


後來有機會同佢哋兩個正式 Get in contact,講返呢件事之時,佢哋話「入唔到去黃埔花園派嘢,咁咪响嗰度 (紅磡站)囉。等小巴嘅唔計去行街食飯,幾乎全部都係黃埔居民」

呢件事使我發現,游蕙禎係會懂得搵方法去跨越困難,而唔係只會怨天尤人。對比往昔飯桶發生類似事件的話,只會咆哮「管理公司可恥」,然後的就只會繼續好似無事發生過咁。換轉你哋見到咁,就算唔支持佢,都起碼會認同佢吧。

第三單
區選完結之後有一次 Dinner (頭盔 of 費時啲仆街又講「荷爾蒙」:鄺葆賢也在),傾開點解會揀黃埔呢個飯桶喻為英雄塚所以「棄選」嘅戰場。

佢分享咗一啲個人因素之外,就話「個個都縮唔去,有得隻老鼠自動當選或者可以迤住選呀」。我就話飯桶都係睇死你變炮灰架啦...... 佢截斷我然後反駁「唔落過場打點知係咪炮灰呀」。雖然結果與原本預計相反了,但怎說也是打了一場漂亮的仗。這段對話,反映阿禎其實係一個有很強意志的女仔。

或者大家還是會認為,她所做出的只是「政治ABC」而已,但對比飯桶連呢啲咁基本嘅事都無,或者係親疏有別的去做;再甚至的,都是「識你老鼠」,飯桶就是當你透明甚至死撐、背後篤你,但游蕙禎就有返做人最基本應有的禮貎同尊重。不單是我支持佢嘅原因,更是加上這些年來見盡飯桶的其他醜陋事,成為我堅決的認定香港政壇必須要去舊立新的想法。

再或是大家要雞蛋裡挑骨頭的說她在選舉論壇的表現不濟,認為她沒有能力。睇返前段的「第三單」,佢唔係無辯才;而試問一個女仔無點見過大場面而俾件八婆咁侮辱,又唔知有無人幫佢 release tension revoke,狀態點可能唔跌watt。客觀的說,選議員是因為相貎、口才等表面東西嗎? 阿禎的確要時間磨練同累積經驗,但前段的三件事,就證明她的基本能力是十分充裕。

還有的,剛這一屆立法會有一位年過50歲的新丁,簡直笑話之餘,成個立法會老氣橫秋,同共產黨「打」都無力,也是不爭的事實。「最年輕立法會新丁」已經係1991年的事,當時年齡28歲。如果游蕙禎當選,就會打破這個保持了1/4世紀的記錄。

以上咁多理由,該足夠證明九龍西選民在9月4日投13號一票是正確的決定!!

返回主頁

沒有留言: