__

__

陳澤滔 - 九龍東的好選擇

本文為2016立法會選舉候選人推薦 (選舉廣告)

小弟今屆立法會選舉推薦名單出爐。第一個,我揀佢


首先利申,小弟不是九龍東選民。
ALLinHK 牌頭唔是主因,夠薑又有腦地避過選管會然後响選舉工程先至大舉出擊,亦唔係重點考慮因素;舊年觀塘康樂選區以99票差飲恨,反映佢係一位具一定實力嘅人。

佢嘅地區及選舉工作嘅計劃同內容,不談空泛的願景,而是實在地以民生和市民切身的社會問題為基礎,演化成佢主張嘅政治理念。或者同佢嘅職業背景習慣於要分析問題、實時拆解難題有關。唔係我稱為「芒果菊花白雲教」嘅熱普城的盲吹亂噓之餘,亦跳出咗「香港政治傳統」嘅溫文爾雅、和理非非,直接了當而不失大體。

更是今日有朋友在黃大仙往慈雲山的專線小巴發現到佢嘅選舉海報.....



我的即時反應係想起香港的生意人大多好抗拒佢呢類「反中亂港」、「激進人士」、「搗亂份子」;而小巴玻璃位係要得到車主、營辦商首肯先可以貼,那管選舉條例唔容許都是無法迴避的事實 (更不要說港共傀儡政權當睇唔到)。但佢竟然成功說服到經營呢條37M 線的小巴大王馬亞木,證明佢嘅能力已經超越小弟稱為「飯桶」嘅傳統泛民政客同商界之間的溝通能力。而綜觀世界各地民主政制的情況,政治人物不單要識得同普通百姓溝通,能與商界接觸並保持適度關係是必須的。這件事就證明陳澤滔做到了。

或者仍有唔少人腦中仍會認為佢是新丁無經驗「做唔掂」立法會議員工作,我認為呢啲「論資排輩」嘅小農基因思維不如返去古代做太監服侍皇帝之外,現實的比喻就如「你未做過父母生乜嘢仔呀?」要再斯文一點的話,經驗係要累積。但唔俾機會佢,又點可能累積到經驗呢?!!!

親共的當然只顧「阿爺」意旨做事,飯桶們滿腦子「建設民主中國」得嚟不管香港人死活而只嚷著「包容大愛」,甚至是「可持續抗爭」的尸位素餐。香港政治生態絕對需要革新,而會站在香港人利益為先立場的,具備基本實力的政治新人,就是要能革新的重要因素。

返回主頁

沒有留言: