__

__

港共仲諗住玩DQ的可能出術

除咗响星期日晚爆出劉江華(諢號:垃圾筒) 管轄嘅民政事務總署又有疑似要準備 DQ 陳澤滔嘅電郵之外,其實還流傳其實準備要Totally KO 晒佢嘅戰友嘅傳聞。


暫不談論傳聞真偽,始終689 同張匪曉明兩隻狂揩硫磺嘅洛威拿 (有啲人為求谷行狗隻攻擊力,在狗糧中混入適量硫磺) 俾習匪近平迫倉,係乜瘋狂事都會做得出。我想拆解放風的時間因素 (Timing facts)。

7月29日完成提名報名,8月2日候選人抽籤號碼之後,地區直選共3,779,085張選票 (未計由選管會主席決定的後備票數目)就可以開機,該在8月中旬由政府物流服務署自行印刷、或根據包括《選舉條例》等法例和物流服務署的行政指引外判予合資格印刷廠,完成印刷並密封的貯存於倉庫內,然後在9月4日午夜後至06:59之間運往票站。

若按正常情況,選票已經印好,傳聞必定係流料。可但是屬實的話,即係印刷選票時已經刪去咗689同張匪曉明打算玩嘢要DQ 的候選人。

而根據《選舉條例》,選舉事務處總選舉主任李柏康或選舉管理委員會主席馮驊,係可以公開展示選票。我依家就強烈呼籲大家透過公開的聯絡方法,要求李或馮是但一個或兩個一齊,攤晒五個地區直選嘅選票出嚟。



但如果唔夠膽、又或者只係打官腔耍的話,即係身有屎啦。香港人準備向689同張匪曉明全力開拖都唔怕。

然後的,又或者可以同步進行搵另一個人:政府物流服務署署長周淑貞。


睇下佢係咪能堅守原則,或起碼夠膽孭飛發個聲明表示啲選票係無問題,五個地區直選嘅都根據「獲有效提名候選人名單」印刷;又或者係夠唔夠膽做二五女,爆出689同張匪曉明根本就做咗手腳。

又呼籲承接印刷選票的印刷商,雖然小弟知道接呢張訂單時一定有簽一份保密協議,而如果爆出嚟係刑事罪行。但事關重大到香港的生死,希望你能夠挺身而出,小弟好相信全香港人都會用盡辦法保護你同你間公司同所有伙記。

硬膠選舉條例 - 九龍東選區候選名單:
1.黃國健、2.胡穗珊、3.高達斌、4.譚香文、5.謝偉俊、6.柯創盛、7.呂永基、8.胡志偉、9.譚文豪、10.黃洋達、11.陳澤滔、12.譚得志。

延伸閱讀
劉江華快啲躝出嚟

返回主頁






沒有留言: