__

__

鄭松泰唔好扮晒英雄

尋晚新界西自由黨候選人周永勤突然在有線電視論壇宣佈「退選」(按:根據選舉條例係無得退,4SEP 仍然可以投俾佢),然後鄭松泰就响論壇上係咁追殺何君堯,扮晒大俠咁。

睇落好似好英呀,但細心留意下鄭松泰啲表現,極度有一副「有晒事前準備」嘅表現。小弟自細就有研究心理學嘅興趣,習慣會思索一個人做一件事、講一番說話反映其內心意識,即謂老生常談的「觀人於微」而不做直咇腸。故我睇鬆泰嘅表現係「呢條仆街仔扮晒嘢」。

考古舊年區議會選舉,雖然我有提出「超過50%支持度」去否定鎅票論;或其實在相反角度,支持度未夠過半確實有「鎅票」之局,但無論如何都不該成為抵賴的藉口,這是民主的大原則。何俊仁唔夠實力、無有如林頌鎧、朱順雅嘅過半支持實力,鄭松泰的確係做到「致命的一刀」,造就了何君堯當選。但是,屯門左王陳雲生老婆龍瑞卿無人挑機,熱普城點解唔係過去隔離龍門選區「狙擊」龍婆? 又甚至更衰啲講,你鄭松泰反正都無諗住贏,點解唔係去拖龍婆後腿呢?



先此聲明,這不是為民主黨辯護,一切只是循正常不過的政治倫理 ── 以社會利益為最優先考慮因素,即所謂Public interest first 去分析件事。而按此原則,狙擊AV 嘅利益大得過俾中共香港支部攞多一席咩? 這就說明鬆泰响舊年區議會選舉所做的不合理之處。十個月前造就了何君堯當選,而尋晚的一切舉動,啲細眉細眼嘢,鄭松泰本人或熱血公民同何君堯以至統監府有無交易瓜葛,不可能不惹人懷疑。

國師曾為港共傀儡政權幹部,直屬上司是何志平,响香港嘅頂頭老細係老懵董。而老懵董所屬的龍頭大佬是江澤民;又,國民黨與共匪關係發展迅速的時期,又是江澤民實質掌權契丹;再又的,張匪曉明「跟」的大佬,又係江澤民;再再又的,689的上線是薄熙來周永康,即係最頂頭老細又係江澤民。而小弟常有的一句口頭禪:

呢個世界有無咁多咁啱得咁蹺呀?!

這是一個怎樣的局? 先要了解熱普城體系响現實世界的選情 ── 港島區,宇宙算膠數啦;九龍東本來已經係打飛機,星期三晚的「晒馬」進一步拖垮選情;至於九龍西,「晒馬」的後果之外,還要知道任亮憲父親、97前立法局議員任善寧是資深居港國民黨黨員。而若果明白老K的政治倫理傳統,該會知道芒果佬「出大弟志」。寧寧舍舍就是鬆泰會係唯一一個「仲可能有得救」的。

走返去新界西,何君堯以至張匪曉明可能打算威迫利誘原支持周永勤的票源轉至手上,但何、周始終係兩個不同的鄉事派系,擺平的機會根本就不高。但政治嘅嘢,從來都係講 "Make deal"...... 鬆泰在舊年有功於何君堯,而尋晚全場被嚇親唯獨鬆泰咁清晰的衝出嚟逞英雄圖攞分;再然後的,該在想著黃俊傑因「時代力量事件」而支持度該會大瀉,或就會能增加「成功搶救」鬆泰的機會。

從以上拆局,689、張匪曉明該想著圖一石二鳥,既「搞掂」周永勤又順勢推冧青政/抬鬆泰上。可但是共匪啲計謀,總會百密一疏的。點唔識心理學都好,一個人嘅細眉細眼表現係點都呃唔到人的,或最少會惹人懷疑。

硬膠選舉條例 - 新界西選區候選名單:
1.黃潤達,梁靜珊,周偉雄 2.尹兆堅,何俊仁,李永達,黃麗嫦,林紹輝 3.高志輝,鄧德成 4.周永勤 5.鄭松泰,張耀心 6.鄺官穩 7.田北辰,王威信,蘇嘉雯,徐曉杰,甘文鋒,鄭㨗彬,傅曉琳 8.何君堯 9.梁志祥,呂堅,黃漢權,葉文斌,徐君紹,賴嘉汶 10.郭家麒,冼豪輝 11.黃浩銘,陳偉業 12.李卓人,趙恩來 13.黃俊傑,王百羽 14.麥美娟,姚國威,葛兆源,馮沛賢,劉展鵬 15.馮檢基 16.陳恒鑌,郭芙蓉,李世隆,梁嘉銘,陳振中,呂廸明,鮑銘康 17.張慧晶 18.呂智恆 19.湯詠芝 20.朱凱廸


後記:
1. 熱普城唔好諗住向我發癲,交過手都知我係一個比你哋更癲嘅人,自殺式唔係炸彈而係核彈;
2. 芒果佬亦唔好諗住搵人斬我。一來我豁咗出去,二來你顧掂寶勒巷、南昌邨富昌邨先啦,三來用下個腦諗下我點解成日提供新北板橋。唔怕爆埋,我每次過台灣,有時間都會去中壢華勛村探望親人。

延伸閱讀
咪再講乜春「傘兵」鎅票啦

返回主頁

沒有留言: