__

__

前世未見過女人個胸咩

星期日,唔講啲太HARDCORE 嘅事。

前幾日網上瘋傳以下呢張圖



(小圖為遷就Facebook 啲硬膠terms 加mask)

就連大埔工業邨報館都將之變做新聞,實在覺得有點新聞噏乜9

我點會唔睇,仲細心研究呢位小姐成套衣著;但同時見啲網上留言,除咗「係咪男人」「人妖」之類帶有膠味的之外,要不是Erotics,就是話個女仔係咪傻架、俾人睇蝕晒之類。亦有少量所謂婦解份子反諷啲男人點解可以打大赤肋而女人唔得。

先唔考究呢位小姐係乜國籍,或共匪最鍾意考究嘅血統,單純講美學,背脊嘅骨架 show 晒出嚟,唔係虎背熊腰,有足夠條件 carry 件衫;前幅cutting 就睇唔到,無得comment。至於真空、露奶邊甚至側視露點,我想到的是人哋點著都係人哋嘅事,又或者反過來講佢夠膽著就即係佢唔認為係問題,你哋理得人咁多把托咩。人哋覺得咁show off 自己身體,唔覺得「蝕」,亦係呢位小姐嘅選擇,你哋啲鍾意評頭品足係你哋嘅自由,但又駛唔駛話佢「有問題」呢。簡單啲講,呢位小姐鍾意著到咁出街,請問對你產生乜嘢影響呢?!

或者港燦大多以蔡閹人志森嘅明光社提倡的泛道德主義作為所謂「道德」準則,認為這位小姐傷風敗德。哪就耶膠上身,點解唔係如耶穌基督的「登山寶訓」有道:
凡看見婦女就動淫念的、這人心裡已經與他犯姦淫了。 若是你的右眼叫你跌倒、就剜出來丟掉.寧可失去百體中的一體、不叫全身丟在地獄裡 (馬太福音5:27-30)
挖咗你雙眼吖。根本港燦嘅「道德」,同阿富汗、伊朗、沙地阿拉伯嘅極端回教主義無分別,爭在無話好似當哋啲回教佬癲到連女人塊面都會引起性慾所以要將個女人包到實晒,而認為女人露胸就是唔應該。

唔講New York City 女性上半裸已不是違法,亦唔講三藩市Castro District 修咗例唔再俾全裸行街街但依然好多人唔理;或者去泰國Phuket 總會見到鬼妹鬼婆topless 甚至 whole naked 晒太陽游水而泰國警察都無佢哋辦法,再唔係你哋啲麻甩佬去做神州炮兵嘅時候...... 又唔講一般港女有無波、有無膽量咁著,我倒想問呢個世界凡係雌性人類都係有波有蓮頭架啦,爭在乜嘢size 乜嘢形狀、乜嘢顏色,就呢位小姐嘅衣著效果,我真係諗唔到有乜咁值得你哋啲人咁驚訝。

延伸閱讀
夏天為大地帶來......

返回主頁

沒有留言: