__

__

中共已成黔之驢


件大公記者掩飾身份嘅共諜搞响太古站搞梁天琦,連埋根據「起底」嗰件港鐵職員應該係佢嘅內應,就是捉準時機捕梁。成個鋪排根本係共匪一貫手法,而共諜爆響口話要「搞」梁的家人,也是秉承共匪「搞你唔到就搞你身邊嘅人」的技倆。為的是希望借抹黑梁天琦,鎮住中共禮記支部同67暴動分部嘅選情;同時配合共匪繼日講夜講「港獨」,向主子交差同呃維穩費。

港共傀儡政權同統監府本以為借「確認書」封殺咗梁天琦,就可以天下太平。又或者正如小弟之前寫過只係想激發民憤,以使能有機會出動18條。點知係就係激起咗民憤,但就係去晒選情形勢到。雖然梁天琦嘅「一開三」支持度仍未能好樂觀,但共匪派別就開始出現墮後同窩裡鬥自相殘殺。張匪曉明點會唔頭都痕埋!

可但是中共匪幫來來去去都係得呢啲招數,就有如成語「黔驢技窮」的典故:
黔無驢,有好事者船載以入。至則無可用,放之山下。虎見之,龐然大物也,以爲神,蔽林間窺之。稍出近之,憖憖然,莫相知。
他日,驢一鳴,虎大駭,遠遁;以爲且噬已也,甚恐。然往來視之,覺無異能者;益習其聲,又近出前後,終不敢搏。稍近,益狎,盪倚沖冒。
驢不勝怒,蹄之。虎因喜,計之曰,“技止此耳!”因跳踉大,斷其喉,盡其肉,乃去。
柳宗元《三戒·黔之驢》

一隻驢俾人捉到去貴州山區叢林,老虎未見過驢以為唔好恰。點知睇睇下隻驢除咗識叫同用後腳踢之外,根本就無殺傷力。於是隻老虎識避開驢腿,然後撲上去一啖咬住驢頸,咁就有一頓美味大餐。

共匪仲會出乜嘢技倆「招呼」梁天琦,的確仲有好多可能性。但正如《說文解字》謂「鼫,五技鼠也。能飛不能過屋,能緣不能窮木,能游 不能渡谷,能穴不能掩身,能走不能先人,此之謂五技。」,又《荀子‧勸學》「螣蛇無足而飛,鼯鼠五技而窮」。

只要明白共匪根本萬變不離其中,而識得「避驢腿」,即知道如何避過張匪曉明之陰險狡詐,總能應付得過去。但又要明白,得梁天琦一個自己撐住係唔夠,就是「一開三」仍然是大丁單薄,香港人要齊心合力先可以幫佢捱過呢一關。

後記:影片「獨家」唔係無可疑。但暫時基於新聞專業原則,唔砌堆填區住。


延伸閱讀
統監府、689目標不過是18條

返回主頁

沒有留言: