__

__

荷爾蒙上腦請採取正確方法處理

由舊年區議會選舉以來,游蕙禎遭飯桶左膠連翻針對,人身攻擊更不乏涉及女性性別的題材。之前一篇《心理唔平衡就去睇醫生啦》已經講咗「選美定選議員」的歷史,不贅重述了。可但是8月14日香港電台的選舉論壇,林依麗以性別侮辱游蕙禎,平日開口埋口女權至上嘅黃碧雲竟然食花生仲要偷笑,證明飯桶嘅政治道德操守根本就是親疏有別,睇下係咪自己人先至出聲,甚至是威脅到個人政治本錢更會打落水狗 ~ 游蕙禎指斥梁美芬在黃埔專線小巴批出$2長者及殘疾人士乘車優惠抽水扮成功爭取時,黃碧雲就為梁美芬「解圍」。

雖則有云「戰場無父子」,但國際法限制軍事行動不得濫殺無辜、不得使用生化武器等;又古語有謂「盜亦有道」,引伸到選舉論壇等的政治戰爭,都唔係可以亂嚟一通。游蕙禎所受過的靶,不論是政治倫理原則或是普通做人常識邏輯,都係不能夠接受的。

但話口未完,根本同左賊一伙的劉小麗,姑且「法律用詞」一點的說「疑似」加入針對游蕙禎的陣營。





我本身唔識劉小麗、或相反的佢亦該是識我老鼠。就所知佢本身在大學係有教授有關性別權益嘅學科。即係話事件本質同黃碧雲袖手旁觀林依麗的萬能插蘇係完全一樣 ~ 就女性權益都只係選擇性做事。甚至是雖然無開名,但字詞上也蘊含性關係意思,案情嚴重程度不比林依麗的輕。

台灣《自由時報》1月21日刊出小弟的撰文,提到「選美定選議員」一事之外,還提到1月14日晚上時代力量林昶佐在台北龍山寺外舉行造勢大會期間「目睹有泛民支持者、政客,因聽不懂閩南話演說,嚷著『聽唔明,好悶呀,去行街啦』」。半年以來乜人追問打聽我都保持應有的口德,全部拒絕透露。

有初中的中文閱讀理解能力的話,該睇到《自由時報》的文章就是將「選美定選議員」事件進行綑綁,意即「溫馨提示」唔好再有任何不合理針對游蕙禎的言行。但是立法會選舉進行以來接二連三發生同類事件,不論係飯桶左賊們個腦充斥住乜嘢荷爾蒙,俾咗七個月時間都唔知機的,我就只好爆出,當晚說要去行街的,是華人民主書院觀選團的團友,當時在我面前合共六人,其中我認識的兩人分別是沙田區議員麥潤培,及該觀選團的「領隊」林正軒。另四人有印象曾在公開場合碰過面但記不起名字。

當我見到這對Freddy、時代力量,以至台灣人民不尊重的場面時,沉著氣的「做回老本行」(旅遊業) 給他們提議可以到那處。佢哋最後說去西門町,我就指著「路口轉右直上行15分鐘就到」,即是沿西園路向北行。可是龍山寺捷運站1號出口就在相反方向的旁邊。或者睇以下地圖會容易明白。

最終佢哋點行、去咗邊,我沒理會。

係呀,我認呀,擺明玩佢哋呀!! 等你哋班友响我背後講事非時話我扮晒嘢好撚熟台灣吖嗱!! 「觀選為名、玩樂為實」暴露於我眼前,又諗到「觀選咗N次而香港的民主毫無寸進」,唔玩你還是道理麼?!

再延伸到「時代力量事件」,點解青年新政只係去咗一次觀選就諗到呢招,而唔係你哋班去咗N次嘅飯桶左膠搵老K或民進黨先呢?! 咁仲唔係進一步證明所謂「去台灣觀選」根本就係借機去玩,向香港市民製造假象,欺騙全香港人呀!!

飯桶、左賊們荷爾蒙上腦就搵辦法發洩,而唔係做埋咁多仆街嘢!!

硬膠選舉條例 - 九龍西選區候選名單:
1.吳文遠 2.何志光 3.毛孟靜,李俊晞 4.梁美芬,梁文廣,左滙雄,丁煌,梁婉婷,陳國偉 5.譚國僑,楊彧,黃永傑 6.朱韶洪 7.黃毓民,馬愉生 8.黃碧雲,袁海文,馮文韜,鄒旻芳 9.林依麗,區咏豪 10.蔣麗芸,葉傲冬,陳偉明,邵天虹,張德偉 11.關新偉,高志強 12.劉小麗 13.游蕙禎 14.李泳漢,符偉樂 15.狄志遠,黃俊瑯,彭意婷,陳麗紅

後記:
1. 我只是借游蕙禎嘅遭遇嚟向你哋開炮。我無好以你哋咁郁啲就荷爾蒙上腦;
2. 唔好怪我爆大鑊,要怪就怪你哋自己連中學生嘅中文閱讀理解能力都無而無alert 我早已佈防準備做Sniper。

返回主頁

沒有留言: