__

__

19巴唔一定濕_ - 梁頌恒

本文為2016立法會選舉候選人推薦 (選舉廣告)

今屆立法會選舉,新界東係唯一會有兩個推薦名單。亦即係我的第五個推薦。相信唔出圖,大家都估到係邊個。



响我眼中,梁頌恒條友係柒柒地;又「咁唔好彩」抽中19號,故有濕_巴之稱號。
呢條友過去嘅記錄都幾多膠事,但正如《蠢唔係罪過 ~ 黃俊傑》一文提到:
你用見慣的老手表現的眼光去衡量一個新丁,莫講話從政進入議會,就是在一般的企業人力資源管理角度,期求一個新人可以做到任職咗五年、甚至十年經驗的員工,根本就係錯誤的管理思維。
巴記嘅膠以至柒,根本唔係乜嘢大問題。

佢原本响新界西排第三,轉戰新界東「頂替」梁天琦所反映嘅膽色,唔是我考慮嘅重點;梁天琦呢三個字亦絕不是因素。雖然巴治奧俾我嘅印象唔及得游蕙禎咁深,但觀察到佢嘅表現,沒有飯桶們的守舊同老氣,就是小弟認定「係時候要使議會要得到更新」的思想是必須的,而巴記係其中一個適合人選。又雖然佢過去嘅地區工作 (不論邊一區),都無陳澤滔咁鮮明,但就是香港本位主張 (即俗謂「本土主義」),就足夠成為我推薦佢嘅因由。而如果上天眷顧佢哋,四個都當選,就如台灣時代力量,能夠為香港嘅議會運作同政治氣候注入新元素。

連同范國威,新界東就只有兩個候選人係堅定會以香港人利益為先為香港社會做事。在面對共匪支配或支持的黨團所成的戰局,無可避免要思量所謂「配票」嘅事情,但我不怎提出建議,一來有違我對選舉嘅立場就是「把選票投給你最合心意的候選人」,二來費時共匪「做嘢」。


返回主頁

沒有留言: